Elon Muskનું Grok 4 શું ChatGPT માટે બનશે ખતરારૂપ?, લોન્ચ કરવાની તારીખ જાહેર

એલોન મસ્કની કંપની xAIએ પોતાનું નવું AI મોડલ Grok 4 બનાવ્યુ છે. અને હવે તેને લોન્ચ કરવા માટેની તારીખ પણ જાહેર કરાઇ છે. આ નવુ AI મોડલ Grok 4 એ ChatGPTને ટક્કર આપવામ માટે તૈયાર છે. કોડિંગ ફિચર પણ બજારમાં ધૂમ મચાવશે. એલોન મસ્કે જ્યારથી પોતાના વેપારમાં ધ્યાન આપવાનું શરુ કર્યુ છે. ત્યારેથી તેઓ રોજ નવા-નવા લોન્ચિંગ વિશે જણાવી રહ્યા છે. જેના કારણે તેઓ ફરી વાર ચર્ચામાં આવ્યા છે.

નવા AI મોડલ Grok 4 ચર્ચામાં

એલોન મસ્ક મામલે ફરી ચર્ચાનો દૌર શરુ થયો છે. આ વખતે તેઓ નવા AI મોડલ Grok 4ના કારણે ચર્ચામાં આવ્યા છે. નવા AI મોડલ Grok 4ની લોન્ચિંગના કારણે તેમની વિશે બજાર ગરમાયું છે. મસ્કની AI કંપની xAIએ આ શક્તિશાળી પાવરબોટને તૈયાર કર્યુ છે. જે સીધી રીતે ChatGPTને ટક્કર આપશે. હવે અહીં સવાલ એ ઉભો થાય છે કે, શું સાચે જ Grok 4, OpenAIના પ્રખ્યાત મોડેલને ટક્કર આપશે. મસ્કે પોતાની પોસ્ટમાં લોન્ચની તારીખની જાહેરાત કરી છે.

Grok 4 શું છે ?

Grok 4થી કોડિંગમાં મદદ મળશે અને પ્રશ્ન-ઉત્તર હળવા થશે. મસ્કે તેને એવી રીતે ડિઝાઇન કર્યુ છે કે, તે કોઇપણ કામ અટક્યા વિના અને સ્પષ્ટતાથી તમામ જવાબ આપી શકશે. આ મોડલ ખાસ કરીને, ડેવલપર્સ, ટેક યુઝર્સ અને AI રિસર્ચ માટે તૈયાર કરવામાં આવ્યુ છે. 9 જુલાઇના રોજ Grok 4ને લોન્ચ કરવામાં આવશે. ભારતીય સમય મુજબ તે 10 જુલાઇના રોજ સવારે 8:30 કલાકે લાઇવ સ્ટ્રીમ થશે. X પ્લેટફોર્મ પર તેનું લાઇવ સ્ટ્રીમીંગ જોઇ શકાશે. Grok 4 પોતાના જુના વર્ઝન કરતા સૌથી વધુ અપડેટ છે. તે કોડિંગમાં નિષ્ણાંત છે. Grok 4 ખાસ કરીને કોડિંગ ટાસ્ક અને પ્રોગ્રામિંગ માટે ટ્રેઇન કરવામાં આવ્યુ છે.