Thailand Cambodia Tension: થાઇલેન્ડ અને કંબોડિયા સરહદ પર સતત ચોથા દિવસની અથડામણ વચ્ચે ટ્રમ્પના ફોનની કેમ જોવાઇ રહી છે રાહ? જાણો

થાઇલેન્ડ અને કંબોડિયા વચ્ચે ચાલી રહેલ તણાવ ઓછો થયો નથી. સરહદ પર પરિસ્થિતિ વધુ વણસી છે.

ડોનાલ્ડ ટ્રમ્પની પત્રકારો સાથે વાતચીત

વ્હાઇટ હાઉસ ખાતે પત્રકારો સાથે વાત કરતી વખતે અમેરિકાના રાષ્ટ્રપતિ ડોનાલ્ડ ટ્રમ્પને આ વિશે પૂછવામાં આવ્યું ત્યારે તેમણે વિશ્વાસપૂર્વક કહ્યું કે તેઓ ટૂંક સમયમાં ફોન પર વાત કરશે અને આ મુદ્દો ઝડપથી ઉકેલાઈ જશે. કદાચ બંને દક્ષિણપૂર્વ એશિયાઈ દેશો યુએસ પ્રમુખ ડોનાલ્ડ ટ્રમ્પના એ જ ફોન કોલની રાહ જોઈ રહ્યા છે જેનો ટ્રમ્પ પોતે દાવો કરી રહ્યા છે. ટ્રમ્પે જુલાઈમાં પાંચ દિવસના ભીષણ સંઘર્ષને રોકવામાં મુખ્ય ભૂમિકા ભજવી હતી.

12થી વધુ સ્થળોએ ભારે અથડામણો

બંને દેશો વચ્ચે તાજેતરની લડાઈ એટલી હદે વધી ગઈ છે કે 817 કિલોમીટર લાંબી સરહદ પર 12થી વધુ સ્થળોએ ભારે અથડામણો નોંધાઈ હતી. આ અથડામણો જુલાઈ પછીની સૌથી તીવ્ર માનવામાં આવે છે. જ્યારે બંને દેશો સામસામે આવ્યા છે. થાઈલેન્ડ અને કંબોડિયા બંને એકબીજા પર સંઘર્ષ ઉશ્કેરવાનો આરોપ લગાવે છે.

સ્થાનિકો પોતાના નિવાસસ્થાન છોડી ભાગ્યા

કંબોડિયાનો દાવો છે કે થાઈ સેના જાણી જોઈને તેના ગામડાઓ અને નાગરિક વિસ્તારોને નિશાન બનાવી રહી છે, જ્યારે થાઈ સેનાનું કહેવું છે કે કંબોડિયન દળોએ પહેલા રોકેટ અને ભારે તોપખાનાથી હુમલો કર્યો, જેના કારણે તેમને જવાબી કાર્યવાહી કરવાની ફરજ પડી. પરિસ્થિતિને કારણે હજારો લોકોને સરહદી વિસ્તારોમાં તેમના ઘર છોડીને ભાગી જવાની ફરજ પડી છે, અને બંને દેશોની સેનાઓએ વધારાના સૈનિકો તૈનાત કર્યા છે.

આ પણ વાંચોઃ  764 આતંકી સંગઠન યુવાઓને કેવી રીતે બનાવે છે નિશાન, શું છે તેનું લક્ષ્ય?, જાણો