યુએસ પ્રમુખ ડોનાલ્ડ ટ્રમ્પ અને ઇટલીના વડા પ્રધાન જ્યોર્જિયા મેલોની વચ્ચે તાજેતરમાં ચાલેલા તણાવ બાદ હવે સંબંધોમાં સુધારો થવાના સંકેતો દેખાઈ રહ્યા છે. ઇરાન વિરુદ્ધ યુએસ લશ્કરી અભિયાનમાં સહયોગ કરવાનો ઇટાલીએ ઇનકાર કરતા બંને નેતાઓ વચ્ચે જાહેર મંચ પર તીવ્ર શબ્દયુદ્ધ જોવા મળ્યું હતું, પરંતુ હવે બંને પક્ષે નરમાશ જોવા મળી રહી છે.
https://twitter.com/GBC_Press/status/2074199955045068879

વિવાદનું મૂળ કારણ શું હતુ?

તણાવની શરૂઆત ત્યારે થઈ જ્યારે ટ્રમ્પે નાટો સાથીઓ, ખાસ કરીને ઇટાલીની ટીકા કરતા કહ્યું કે, અમેરિકાએ દાયકાઓ સુધી તેમનું રક્ષણ કર્યું છે, છતાં ઇરાન સામેના અભિયાનમાં ઇટાલીએ ટેકો આપ્યો નથી. આ ઉપરાંત, ટ્રમ્પે ટ્રુથ સોશિયલ પર એક ફોટો શેર કરીને વિવાદાસ્પદ ટિપ્પણી કરી હતી. સ્થિતિ ત્યારે વધુ ગંભીર બની જ્યારે ટ્રમ્પે દાવો કર્યો કે મેલોનીએ G-7 સમિટ દરમિયાન તેમની સાથે ફોટો પડાવવા માટે "ભીખ માંગી" હતી. જોકે, મેલોનીએ આ દાવાને સખત શબ્દોમાં ફગાવી દીધો હતો અને કહ્યું હતું કે, "મેં કે ઇટાલીએ ક્યારેય કોઈની પાસે આવી ભીખ માંગી નથી." આ વિવાદના કારણે ઇટાલીના વિદેશ પ્રધાને પોતાની નિર્ધારિત અમેરિકા મુલાકાત પણ રદ કરી દીધી હતી.

હવે શું છે સંબંધોની સ્થિતિ?

તાજેતરમાં તુર્કીના રાષ્ટ્રપતિ એર્ડોગન સાથેની મુલાકાત દરમિયાન, ટ્રમ્પે મેલોની વિશે નરમ વલણ અપનાવતા કહ્યું, "મને લાગે છે કે મેલોની એક સારી વ્યક્તિ છે. ભલે ઈરાન મુદ્દે અમારા સંબંધો બગડ્યા હતા અને તેમણે ભૂલ કરી છે, પરંતુ હું તેમને એક સારા વ્યક્તિ માનું છું." બીજી તરફ, વડા પ્રધાન મેલોનીએ પણ નાટો સમિટ દરમિયાન સ્પષ્ટ કર્યું હતું કે ટ્રમ્પ સાથે તેમના સંબંધો સૌહાર્દપૂર્ણ છે.

બંને નેતાઓએ આખરે સ્વીકાર્યુ મતભેદ હતા 

જોકે બંને નેતાઓએ સ્વીકાર્યું છે કે તાજેતરના મહિનાઓમાં તેમની વચ્ચે મતભેદો રહ્યા હતા, પરંતુ વર્તમાન નિવેદનો સૂચવે છે કે નાટોમાં ઇટાલીની મહત્વની ભૂમિકાને ધ્યાનમાં રાખીને બંને નેતાઓ તણાવ ઘટાડવા માટે પ્રયત્નશીલ છે. ભલે વૈશ્વિક વ્યૂહરચનાના મુદ્દે મતભેદો હોય, પરંતુ બંને દેશો વચ્ચેના રાજદ્વારી સંબંધો સામાન્ય થવાની દિશામાં આગળ વધી રહ્યા છે.

આ પણ વાંચોઃ Pakistani Cargo Plane Missing : શારજાહથી કરાચી જઈ રહેલું પાકિસ્તાની કાર્ગો વિમાન ગુમ