અમેરિકાએ ફરી એકવાર ઈરાન વિરુદ્ધ સીધી સૈન્ય કાર્યવાહી કરતા તેના વ્યૂહાત્મક રીતે મહત્વપૂર્ણ કેશ્મ ટાપુ પર વિનાશક મિસાઈલ હુમલો કર્યો છે. અમેરિકન રાષ્ટ્રપતિ ડોનાલ્ડ ટ્રમ્પના આ મોટા પગલાથી મધ્ય પૂર્વમાં યુદ્ધનું જોખમ ફરી એકવાર ઘાતક સ્તરે પહોંચી ગયું છે. મધ્યસત્ર ચૂંટણીઓ વચ્ચે થયેલા આ હુમલાને કારણે બંને દેશો વચ્ચે ચાલી રહેલા યુદ્ધવિરામનો ખુલ્લેઆમ ભંગ થયો છે. અગાઉ અમેરિકા તરફથી છૂટાછવાયા નાના હુમલાઓ કરવામાં આવતા હતા, પરંતુ હવે કેશ્મ ટાપુ પર સીધા મિસાઈલોનો મારો ચલાવીને અમેરિકાએ પોતાના આક્રમક ઈરાદા સ્પષ્ટ કરી દીધા છે.
લશ્કરી મથકો અને રડાર સિસ્ટમ ફૂંકી મારી
મીડિયા રિપોર્ટના અહેવાલ મુજબ યુએસ આર્મી દ્વારા કેશ્મ ટાપુ પર કરવામાં આવેલી આ એર સ્ટ્રાઈકમાં ઈરાનના અનેક મુખ્ય લશ્કરી ઠેકાણાઓને નિશાન બનાવવામાં આવ્યા હતા. આ હુમલામાં ઈરાની સેનાના રડાર ડિટેક્ટર્સ અને અત્યાધુનિક મિસાઈલ લોન્ચર્સને ભારે નુકસાન પહોંચાડવામાં આવ્યું છે અથવા તેનો સંપૂર્ણ નાશ કરવામાં આવ્યો છે. જોકે, આ સૈન્ય કાર્યવાહીમાં થયેલા કુલ જાનમાલ અને આર્થિક નુકસાનની સત્તાવાર અને સંપૂર્ણ વિગતો હજુ સુધી સામે આવી નથી. નિષ્ણાતોના મતે, ઈરાન તરફથી કોઈ મોટી અને તાત્કાલિક પ્રતિક્રિયા ન આવે તે માટે જ અમેરિકાએ અત્યાર સુધી સાવચેતીપૂર્વક નાના હુમલાઓ રમીને અચાનક આ મોટો હુમલો કર્યો છે.
https://x.com/mayidah118879/status/2117443520235811080?ref_src=twsrc%5Etfw%7Ctwcamp%5Etweetembed%7Ctwterm%5E2117443520235811080%7Ctwgr%5E%7Ctwcon%5Es1_c10&ref_url=