Indian Girl Missing in US: સીમરનના ગુમ થવા પાછળ શું છે કારણો?

અમેરિકામાં ભારતીય યુવતી ગુમ થવાના સમાચારે ચર્ચા જગાવી છે. 24 વર્ષીય સીમરન નામની યુવતી અમેરિકા લગ્ન માટે ગઇ હતી અને ત્યાં તેના કોઇ સંબંધી પણ નથી. અને તેને વ્યવસ્થિત અંગ્રેજી પણ આવડતી ન હતી. હવે તેના ગાયબ થવાના સમાચાર આવતા તપાસ તેજ બની છે. ગાયબ થવાના અંતિમ ક્ષણો પહેલા તેને સીસીટીવી કેમેરામાં ફોન કરતા અને કોઇની રાહ જોતી જોવા મળી હતી. હવે પોલીસે આ મામલે તપાસ તેજ કરી છે.

સીમરન કેવી રીતે થઇ ગાયબ ?

24 વર્ષીય સીમરન નામની યુવતી 20 જૂનના રોજ અમેરિકાના ન્યૂજર્સી પહોંચી હતી. અને થોડા દિવસ બાદ તે અચાનક ગાયબ થતા મામલો વધુ ગંભીર બન્યો છે. પોલીસે સીસીટીવીના ફૂટેજ તપાસ્યા હતા. જેમાં તે ફોન કરતા કોઇની રાહ જોતા દેખાઇ રહી હતી. આ વીડિયોમાં તે સામાન્ય લાગી રહી હતી. કોઇ ડર કે કોઇ ટેન્શનમાં જોવા મળી ન હતી. પરંતુ એ દિવસ બાદ તેનો કોઇ પત્તો મળ્યો નથી. પોલીસના જણાવ્યા મુજબ તેને અંગ્રેજી પણ આવડતી ન હતી. તેની પાસે ઇન્ટરનેશનલ ફોન હતો. જે માત્ર વાઇફાઇ પર કામ કરે છે.

મુશ્કેલ બની તપાસ

તપાસ કરનાર પોલીસે સવાલ ઉઠાવ્યા છે કે, ભારતમાં રહેનાર પરિવાર સાથે પણ કોઇ સંપર્ક નથી. તે લગ્ન કરવા આવી હતી કે ફરવા માટે? આ શંકાનો વિસ્તાર હવે વધી રહ્યો છે. છેલ્લીવાર સીમરને સફેદ ટી-શર્ટ, ગ્રે ટ્રેક પેન્ટ અને કાળા રંગની ચપ્પલ પહેરી હતી. કાનમાં નાના હીરા જડિત બુટ્ટીઓ હતી. સિમરનની ઉંચાઇ 5 ફૂટ 4 ઇંચ છે. તેનું વજન 150 પાઉન્ડ છે. અને તેના માથાના ડાબા ભાગમાં એક નાનું નિશાન છે. ભારતમાં પરિવાર તરફથી કોઇ સંપર્ક નહી. અમેરિકામાં પણ સિમરનના કોઇ સંબંધી નથી. તેવામાં પોલીસ માટે આ તપાસ કરવી મુશ્કેલ સાબિત થઇ રહી છે.