World News: હવે ભારત અમેરિકા પાસેથી નહીં ખરીદે F-35 સ્ટીલ્થ ફાઇટર જેટ

ભારતે રાષ્ટ્રપતિ ડોનાલ્ડ ટ્રમ્પને આપ્યો મોટો ઝટકો. અમેરિકાના પ્રસ્તાવને ભારતે નકાર્યો છે. F-35 સ્ટીલ્થ ફાઇટર જેટ આપવાનો કર્યો હતો પ્રસ્તાવ. મીડિયા રિપોર્ટ્સમાં અધિકારીઓને ટાંકીને કહેવામાં આવ્યું છે કે ભારતે અમેરિકાને જાણ કરી છે કે તેને F-35 ફાઇટર જેટ ખરીદવામાં રસ નથી. ચાલો જાણીએ કે ભારત કેટલા દેશો પાસેથી કયા ફાઇટર જેટ ખરીદે છે? તેમની વિશેષતાઓ અને કિંમત શું છે?

યુએસના રાષ્ટ્રપતિ ડોનાલ્ડ ટ્રમ્પે F-35 આપવાની કરી હતી વાત

સંરક્ષણ ક્ષેત્રની કેટલીક વેબસાઇટ્સે દાવો કર્યો હતો કે ભારતીય વાયુસેનાએ સંરક્ષણ મંત્રાલયને F-35 સ્ટીલ્થ ફાઇટર જેટ ખરીદવાની સલાહ આપી હતી. જ્યારે આ વર્ષે ફેબ્રુઆરીમાં વડા પ્રધાન નરેન્દ્ર મોદી અમેરિકાની મુલાકાતે આવ્યા હતા. ત્યારે યુએસના રાષ્ટ્રપતિ ડોનાલ્ડ ટ્રમ્પે F-35 આપવાની વાત કરી હતી. જ્યારે યુએસ ઉપરાષ્ટ્રપતિ જેડી વાન્સ એપ્રિલમાં ભારતની મુલાકાતે આવ્યા હતા. ત્યારે તેમણે પણ F-35 ઓફર કરી હતી.

ભારત F-35 ફાઇટર જેટ નહીં ખરીદે

ભારત F-35 ફાઇટર જેટ નહીં ખરીદે તે વાત સ્પષ્ટ થઈ ગઈ છે . ભારતીય વાયુસેના પાસે ફાઇટર જેટની સંખ્યા ઘટી ગઈ છે તે બીજી વાત છે. તેની પાસે 42 સ્ક્વોડ્રન હોવા જોઈએ પરંતુ તેની પાસે ફક્ત 32 છે. આવી સ્થિતિમાં અદ્યતન ફાઇટર જેટની જરૂર છે. તેથી, ભારત પાંચમી પેઢીના ફાઇટર જેટ ખરીદવા વિશે ગંભીરતાથી વિચારી રહ્યું છે.