આ વર્ષે અત્યાર સુધીમાં 76 સંશોધકોના મૃત્યુ થયા છે. જેમાં 33 વર્ષીય ડોંગ સિજિયાનો સમાવેશ થાય છે.
ચીનમાં વિવાદ કેમ ?
ચીનમાં ઓનલાઈન ડેટાબેઝ જાહેર થવાથી મોટો વિવાદ થયો છે. આ ડેટાબેઝ યુવા વૈજ્ઞાનિકો અને સંશોધકોના મૃત્યુની વિગતો આપે છે. આ યાદી CSND નામના ઓનલાઈન પ્લેટફોર્મ પર પોસ્ટ કરવામાં આવી હતી. જે સામાન્ય રીતે કમ્પ્યુટર પ્રોગ્રામરો માટે હોય છે. ગયા વર્ષે 44 વર્ષની સરખામણીમાં આ વર્ષે અત્યાર સુધીમાં 60 વર્ષથી ઓછી ઉંમરના 76 સંશોધકોના મૃત્યુ થયા છે. સૌથી નાની ઉંમરના મૃત્યુ નાનજિંગ યુનિવર્સિટીમાં સમુદ્રશાસ્ત્રના સહાયક પ્રોફેસર ડોંગ સિજિયાનું હતું. તેણી માત્ર 33 વર્ષની હતી.
ડેટાએ જગાવી વ્યાપક ચર્ચા
આ ડેટા ગુઆંગડોંગ પ્રાંતના એક અનામી વ્યક્તિ દ્વારા સંકલિત કરવામાં આવ્યો હતો. તેમનો દાવો છે કે, આ માહિતી જાહેર સ્ત્રોતોમાંથી લેવામાં આવી છે અને તેનો હેતુ જાગૃતિ લાવવા, પ્રાદેશિક અસમાનતાઓને પ્રકાશિત કરવા અને સરકારને વધુ સારી નીતિઓ ઘડવામાં મદદ કરવાનો છે. જોકે, આ ડેટાએ વ્યાપક ચર્ચા જગાવી. ઘણા લોકોએ કહ્યું કે આ પદ્ધતિ અસંવેદનશીલતા દર્શાવે છે.
પ્રિવેન્ટિવ મેડિસિન રિપોર્ટ્સ જાહેર
મે 2024 માં, પ્રિવેન્ટિવ મેડિસિન રિપોર્ટ્સ જર્નલમાં પ્રકાશિત થયેલા એક અભ્યાસમાં જાણવા મળ્યું કે શિક્ષણક્ષેત્રમાં આત્મહત્યા ઝડપથી વધી રહી છે, જ્યારે દેશના બાકીના ભાગોમાં ઘટી રહી છે. અભ્યાસમાં જાણવા મળ્યું કે મોટાભાગના મૃત્યુ યુવાન પુરુષ વૈજ્ઞાનિકોના હતા, જેઓ વિજ્ઞાન અને એન્જિનિયરિંગ જેવા માંગણી કરતા વિષયોમાં સામેલ હતા. આમાંથી 65% કિસ્સાઓમાં, કામના દબાણને કારણ તરીકે દર્શાવવામાં આવ્યું હતું.
આનાથી ચીનની શિક્ષણ પ્રણાલી, ખાસ કરીને "અપ ઓર આઉટ" સિસ્ટમ પર પ્રશ્નો ઉભા થયા છે. સંશોધકોને છ વર્ષની અંદર લક્ષ્યો પૂરા કરવા પડે છે, અથવા બરતરફીનો સામનો કરવો પડે છે. આ મૃત્યુ પાછળ ભંડોળની તીવ્ર અછત, લાંબા કામના કલાકો અને માનસિક તણાવ હોવાનું માનવામાં આવે છે.
