અબુ ધાબીમાં વડાપ્રધાન નરેન્દ્ર મોદી આ મંદિરનું કરશે ઉદ્ઘાટન, જાણો તમામ વિગત

• અબુ ધાબીમાં ભારતીય દૂતાવાસે સોશિયલ મીડિયામાં જાણકારી આપી 
  
• બીએપીએસ સંસ્થાનું ભવ્ય મંદિર બનીને તૈયાર
• આવતા મહિને પીએમ મોદી ઉદઘાટન કરવા અબુ ધાબી જશે

સંયુક્ત અરબ અમીરાતે ભારતીય રાજદૂત સંજય સુધીરને અબુ ધાબીમાં બની રહેલા બીએપીએસ સંસ્થાના હિંદુ મંદિરની મુલાકાત લીધી હતી. આ દરમિયાન રાજદૂતે મંદિર નિર્માણ કાર્યની પ્રગતિ જોઈ. વર્ષ-2015માં વડાપ્રધાન મોદીએ આ મંદિરના નિર્માણની જાહેરાત કરી હતી. હવે આનું નિર્માણ કાર્ય પૂર્ણ થવાને આરે છે. ભારતીય દૂતાવાસે સોશિયલ મીડિયા પર એક પોસ્ટ મુકીને આ અંગેની જાણકારી આપી હતી. તેઓએ લખ્યું કે એક મહિના કરતાં ઓછો સમય છે. અબુ ધાબીમાં બની રહેલા હિંદુ મંદિરનું નિર્માણ કાર્ય હવે પૂર્ણ થવાનું છે. જેની જાહેરાત પીએમ મોદીએ વર્ષ-2015માં કરી હતી.

અયોધ્યા બાદ આ મંદિરનું પીએમ મોદી કરશે ઉદઘાટન

વડાપ્રધાન નરેન્દ્ર મોદી 22 જાન્યુઆરીએ અયોધ્યામાં ભવ્ય રામ મંદિરની પ્રાણ પ્રતિષ્ઠા કાર્યક્રમમાં સામેલ થશે. ત્યારબાદ 14 ફેબ્રુઆરીએ વડાપ્રધાન અબુ ધાબીમાં બની રહેલા આ હિંદુ મંદિરનું ઉદઘાટન કરશે. બીએપીએસ હિંદુ મંદિર સંસ્થાને વડાપ્રધાન મોદીને અબુ ધાબીમાં સ્વામીનારાયણ મંદિરનું ઉદઘાટન કરવા આમંત્રણ મોકલ્યું હતું. જેને વડાપ્રધાન મોદીએ સ્વીકાર કર્યો છે. સ્વામિનારાયણ સંસ્થાએ નિવેદન પ્રસિદ્ધ કરી આ અંગેની જાણકારી આપી હતી.