- ઈઝરાયેલ અને હમાસ વચ્ચે યુદ્ધવિરામ સમાપ્ત
- હમાસે 24 વિદેશીઓ સહિત 105 નાગરિકોને મુક્ત કર્યા
- ઇઝરાયેલે 210 પેલેસ્ટિનિયન કેદીઓને મુક્ત કર્યા
ઈઝરાયેલ અને હમાસ વચ્ચે યુદ્ધવિરામ સમાપ્ત થયા બાદ ફરી યુદ્ધ શરૂ થયું છે. યુદ્ધવિરામના 7મા દિવસે હમાસે બંધકોની યાદી જાહેર કરી ન હતી ત્યારે તણાવ વધી ગયો હતો. તેમજ હમાસે ગુરુવારે યરુસલેમ પર રોકેટ વડે હુમલો કર્યો હતો. બદલામાં ઇઝરાયેલે પણ હમાસના સ્થાનો પર હુમલો કર્યો છે.
યુદ્ધવિરામ ભંગ થયા પછી, ઇઝરાયલે ગાઝાના ખાન યુનિસ અને રફાહ વિસ્તારોમાં બોમ્બમારો કર્યો, જેમાં હમાસના જણાવ્યા અનુસાર, 36 પેલેસ્ટિનિયન માર્યા ગયા. 6 દિવસના યુદ્ધવિરામમાં, હમાસે 24 વિદેશીઓ સહિત 105 નાગરિકોને મુક્ત કર્યા, જ્યારે ઇઝરાયેલે 210 પેલેસ્ટિનિયન કેદીઓને મુક્ત કર્યા. ગુરુવારે રાત્રે, 23 સગીર અને સાત મહિલાઓ સહિત 30 પેલેસ્ટિનિયન કેદીઓને ઇઝરાયેલી જેલ સત્તાવાળાઓ દ્વારા મુક્ત કરવામાં આવ્યા હતા. પેલેસ્ટિનિયન આતંકવાદી જૂથ હમાસ દ્વારા આઠ ઇઝરાયેલી બંધકોને મુક્ત કર્યા પછી આ મુક્તિ આવી છે.
