તો શું પોતાની નિષ્ફળતા છૂપાવવા....? કેનેડા ભારત સાથે તણાવ વધારવા કેમ આતુર?

કેનેડાના પીએમ જસ્ટિન ટ્રુડો ભારત સાથેના સંબંધો બગડવા પર તત્પર છે. ખાલિસ્તાની હરદીપ સિંહ નિજ્જર કેસમાં કેનેડાએ ફરી એકવાર ભારત વિરોધી નિવેદન આપ્યું છે. જે બાદ ભારતે કડક કાર્યવાહી કરીને કેનેડાના 6 રાજદ્વારીઓને હાંકી કાઢ્યા હતા. વિદેશ મંત્રાલયના નિવેદનમાં સ્પષ્ટપણે કહેવામાં આવ્યું છે કે, ટ્રુડો પોતાના દેશમાં પોતાની રાજકીય કારકિર્દી બચાવવા માટે ભારત-કેનેડા સંબંધોને નુકસાન પહોંચાડી રહ્યા છે.

ટ્રૂ઼ડો સરકાર નિષ્ફળ ? 

વધતી જતી મોંઘવારી, પરવડે તેવા આવાસ, અનિયંત્રિત ઇમિગ્રેશન અને ઘટતી જતી નોકરીઓએ ટ્રુડોની છબીને નુકસાન પહોંચાડ્યું છે. એનડીપી (ન્યૂ ડેમોક્રેટિક પાર્ટી) એ સરકારમાંથી સમર્થન પાછું ખેંચી લીધા પછી તેઓ લંગડી સરકાર ચલાવી રહ્યા છે અને એવું લાગે છે કે હવે તેઓએ તેમની નિષ્ફળતા છુપાવવા માટે ભારતની દુષ્ટતાનો આશરો લીધો છે. ટ્રુડો તેમની લિબરલ પાર્ટીમાં પણ પડકારોનો સામનો કરી રહ્યા છે, તેમની જ પાર્ટીના કેટલાક લોકોએ તેમને નાપસંદ કરવાનું શરૂ કરી દીધું છે. જો કે તેઓ પોતાને પાર્ટીના એકમાત્ર એવા નેતા ગણાવે છે જે પીએમ પદના દાવેદાર છે.

ટ્રુડોની ઘટી રહી છે લોકપ્રિયતા

એંગસ રીડ ઇન્સ્ટિટ્યૂટના જણાવ્યા અનુસાર ટ્રુડોને પસંદ કરતા લોકોમાં ભારે ઘટાડો થઇ રહ્યો છે. ગયા સપ્ટેમ્બરમાં 39 ટકા લોકોએ તેમને નાપસંદ કર્યા. એક વર્ષમાં આ સંખ્યા વધીને 65 ટકા થઈ ગઈ છે. દેશમાં તેમની સ્વીકૃતિ 51 ટકાથી ઘટીને માત્ર 30 ટકા રહી છે. જે પછી તેમનો લક્ષ્ય છે કે કંઈપણ કરીને ચૂંટણી પહેલા ખાલિસ્તાની મતદારોને આકર્ષવાનો. જેના માટે તેણે ફરી પોતાનો ભારત વિરોધી એજન્ડા શરૂ કરી દીધો છે.

ટ્રુડોના રાજીનામાની માંગ

ટ્રુડોની નિષ્ફળતાને સમજનારા લિબરલ સાંસદોની સંખ્યા વધી રહી છે. તેઓ ટ્રુડોને પાર્ટીના નેતા તરીકે રાજીનામું આપવા દબાણ કરવા માટે એકજૂથ થઇ રહ્યા છે.  ટ્રુડોના નેતૃત્વમાં અસંતોષ વધતો જોવા મળી રહ્યો છે  જેના કારણે નારાજ સાંસદોમાં પાર્ટીના નેતા બદલવાની ચર્ચાઓ ચાલી રહી છે. સીબીસીના પોલ ટ્રેકર અનુસાર, લિબરલ્સ મુખ્ય વિપક્ષી પાર્ટી, કન્ઝર્વેટિવ્સને લગભગ 20 ટકા પોઈન્ટથી પાછળ રાખે છે. ફરી એકવાર, ભારતીય રાજદ્વારીઓ પર આરોપ લગાવીને, તેઓ ટ્રુડોનું ધ્યાન તેમની કારકિર્દીની કટોકટી પરથી હટાવવાનો પ્રયાસ કરી રહ્યા છે અને આ બધું કરીને તેઓ ખાલિસ્તાનીઓના મત મેળવવાની પણ આશા રાખે છે. જો કે તેમના આવા કાર્યોને કારણે ભારત અને કેનેડા  વચ્ચે તિરાડ પડી રહી છે. 

એનડીપીને આકર્ષવા માટે ભર્યુ પગલુ ?

ટ્રુડોની લિબરલ પાર્ટી હાલમાં લઘુમતીમાં છે. ન્યૂ ડેમોક્રેટિક પાર્ટીના સમર્થનથી સરકારની રચના કરવામાં આવી હતી. પરંતુ સપ્ટેમ્બર 2024 માં, NDP એ ટ્રુડો સરકાર પાસેથી સમર્થન પાછું ખેંચી લીધું, ત્યારબાદ કેનેડાની ટ્રુડો સરકાર લઘુમતીમાં છે. ન્યૂ ડેમોક્રેટિક પાર્ટીના પ્રમુખ જગમીત સિંહ શીખ છે. તેને ખાલિસ્તાનનો સમર્થક માનવામાં આવે છે. 2021ની ચૂંટણીમાં NDPને 24 બેઠકો મળી હતી. જસ્ટિન ટ્રુડોની લિબરલ પાર્ટી બહુમતી (170)થી 156 બેઠકો ઓછી છે. એવું કહેવામાં આવી રહ્યું છે કે ટ્રુડોએ ન્યૂ ડેમોક્રેટિક પાર્ટીને આકર્ષવા માટે આવું પગલું ભર્યું છે.