ગાઝામાં બધુંજ ખતમથયું, ત્યારે આ દેશબન્યો મદદગાર, પાણીનીજેમ વાપર્યા પૈસા

• તબાહીના દૃશ્યોથી દુનિયા અચંબિત
  
  
• સાઉદી અરેબિયાએ મદદ માટે લંબાવ્યો હાથ
• સાઉદી ક્રાઉન પ્રિન્સે મોકલી આપી મદદ

ઈઝરાયેલના ઝડપી હુમલાએ ગાઝામાં તબાહી મચાવી છે. હજારો લોકો બેઘર બની ગયા છે અને ખોરાક અને પાણી મેળવવામાં મુશ્કેલીનો સામનો કરી રહ્યા છે. સ્થિતિ એવી છે કે લોકો પાણીના એક-એક ટીપા માટે તરસી રહ્યા છે. આવી સ્થિતિમાં સાઉદી અરેબિયાએ ગાઝાના લોકોની મદદ માટે મદદનો હાથ લંબાવ્યો છે. સાઉદી ક્રાઉન પ્રિન્સ મોહમ્મદ બિન સલમાને માનવતાવાદી સહાય અને રાહત કેન્દ્ર એ ગાઝામાં $15 મિલિયનની સહાય મોકલી છે.

ઈઝરાયેલ અને હમાસ વચ્ચેના યુદ્ધને કારણે ગાઝામાં તબાહી છે. ઈઝરાયેલના સતત હુમલાઓને કારણે ગાઝા કબ્રસ્તાન બની રહ્યું છે. ઘણા શહેરોના નામ અને નિશાનો ભૂંસાઈ ગયા છે. લોકોના ઘરો કાટમાળમાં ફેરવાઈ ગયા છે. કોણ જાણે કેટલા લોકો બેઘર બન્યા. સ્થિતિ એવી છે કે લોકોને ખાવા-પીવામાં મુશ્કેલીનો સામનો કરવો પડી રહ્યો છે. દરમિયાન, સાઉદી અરેબિયાએ ગાઝાના લોકો માટે મદદનો હાથ લંબાવ્યો છે. આ માટે સાઉદી અરેબિયાએ એક ખૂબ જ મોટી મદદ કરી છે. જેના માટે કહી શકાય કે સાઉદી અરેબિયાના શાસકોએ ગાઝા માટે પાણીની જેમ પૈસા વહાવ્યા છે. ગાઝાના નિરાશ્રિતોને બને તેટલી ઝડપથી સહાય મળી શકે તે બાબતને લઈને સાઉદી અરેબિયા ઈઝરાયેલ અને અમેરિકાને પણ દબાણ કરી રહ્યું છે.

મંગળવારે માહિતી આપતા સાઉદી પ્રેસ એજન્સીએ જણાવ્યું કે કિંગ સલમાને સેન્ટર ફોર હ્યુમેનિટેરિયન એઇડ એન્ડ રિલીફ વતી સંયુક્ત રાષ્ટ્ર સહાયતા યોજનાના પ્રથમ તબક્કા હેઠળ ગાઝાને 15 મિલિયન ડોલર આપ્યા છે. યુનાઈટેડ નેશન્સ રિલીફ એન્ડ વર્ક્સ એજન્સી દ્વારા પેલેસ્ટાઈન શરણાર્થીઓ માટે માનવતાવાદી પ્રતિભાવ યોજના શરૂ કરવામાં આવી છે. આ અંતર્ગત શરણાર્થીઓને ખાદ્યપદાર્થો, દવાઓ, રહેવા માટે ઘર જેવી તમામ પ્રકારની પ્રાથમિક સુવિધાઓ પૂરી પાડવામાં આવશે.

હકીકતમાં હમાસ દ્વારા ઇઝરાયેલ પરના ભયાનક હુમલા બાદ ઇઝરાયેલની સેના ગાઝા પટ્ટી પર ખાસ કરીને હમાસના સ્થાનો પર ભારે બોમ્બમારો કરી રહી છે. ગાઝા પટ્ટીમાં ઈઝરાયેલની સેનાએ તાજેતરમાં ગાઝામાં આવેલી અલ શિફા હોસ્પિટલની અંદર પણ ઓપરેશન શરૂ કરી દીધું છે. આ દરમિયાનમાં હમાસનું એક નિવેદન સામે આવ્યું હતું જેમાં તેમણે કહ્યું હતું કે હોસ્પિટલમાં માત્ર દર્દીઓ છે તેમાં કોઈ લડાયકો નથી. આ મામલે અમુક દેશો પણ ઈઝરાયેલ પર દબાણ વધારી રહ્યા છે. પરંતુ ઈઝરાયેલી પીએમ નેતાન્યાહૂ અને તેમની સરકાર આ મામલે બહુ સ્પષ્ટ છે અને તેમણે વારંવાર કહ્યું છે કે જ્યાં સુધી હમાસનો છેલ્લો આતંકવાદી જીવતો હશે ત્યાં સુધી આ લડાઈ ચાલુ રહેશે.