જો હું રાષ્ટ્રપતિ બનીશ તો H-1B વિઝા નાબૂદ કરીશ: વિવેક રામાસ્વામી

• તેઓ H-1B વિઝા નાબૂદ કરશે:વિવેક રામાસ્વામી
  
• રામાસ્વામી ભારતીય મૂળના હોવાથી તેમનો આ મુદ્દો મહત્વપૂર્ણ
• રામાસ્વામી પોતે વારંવાર H-1B વિઝાનો ઉપયોગ કરે છે

અમેરિકાના રાષ્ટ્રપતિ ચૂંટણીના ઉમેદવાર વિવેક રામાસ્વામીએ કહ્યું છે કે તેઓ H-1B વિઝા નાબૂદ કરશે. ભારતને તેમાંથી ત્રણ ચતુર્થાંશ મળે છે. રામાસ્વામી ભારતીય મૂળના હોવાથી તેમનો આ મુદ્દો મહત્વપૂર્ણ બની જાય છે. રામાસ્વામી પોતે વારંવાર H-1B વિઝાનો ઉપયોગ કરે છે.

વિઝા આપવા માટે સામાન્ય રીતે જૂની પદ્ધતિઓનો ઉપયોગ કરવામાં આવે છે. તમે તમારી જાતને પોર્ટલ પર રજીસ્ટર કરો છો અને પછી તમને રેન્ડમ પ્રક્રિયા દ્વારા પસંદ કરવામાં આવે છે. સામાન્ય રીતે તેને લોટરી સિસ્ટમ કહેવામાં આવે છે. 2018 અને 2023 વચ્ચેના પાંચ વર્ષના સમયગાળામાં US CIS એટલે કે નાગરિકતા અને ઇમિગ્રેશન સેવા દ્વારા રામાસ્વામીની ભૂતપૂર્વ બાયોટેક ફર્મ રોઇવન્ટ સાયન્સને 29 H-1B વિઝા આપવામાં આવ્યા હતા.

H-1B વિઝામાં ભારતનો હિસ્સો સૌથી વધુ 

જ્યારે અમેરિકન મીડિયાએ તેમને આ વિશે પૂછ્યું તો રામાસ્વામીએ કહ્યું હતું કે, અમે નિયમો પ્રમાણે હાંસલ કર્યું છે…પરંતુ હા, જો અમે સત્તામાં આવીશું તો કાર્યક્રમમાં કેટલાક ફેરફાર કરીશું. તેમણે આ વિઝા કાર્યક્રમમાં રેંડલ પસંદગી પ્રક્રિયાની ટીકા કરી છે. પોર્ટલ પર કોઈપણ વ્યક્તિ વિઝા માટે અરજી કરી શકે છે. સ્વામી કહે છે કે હજારો લોકો અરજી કરે છે. અમેરિકા દર વર્ષે 65 હજાર H-1B વિઝા આપે છે. તેમાંથી 20 હજાર વિઝા એવા લોકો માટે છે જેમણે અમેરિકન સંસ્થામાંથી ઉચ્ચ ડિગ્રી મેળવી છે. આ સિવાય ભારત અને ચીનના નાગરિકોને આ વિઝા સૌથી વધુ મળે છે.

વિવેક રામાસ્વામી પોતે ઇમિગ્રન્ટ 

સ્વામીએ કહ્યું હતું કે જો તેઓ સત્તામાં આવશે તો આ સિસ્ટમની જગ્યાએ 'મેરીટોક્રેટિક એડમિશન' લાગુ કરશે. વિઝા માત્ર મેરિટના આધારે જ આપવામાં આવશે. આમાં તે ફક્ત ટેક કૌશલ્ય ધરાવતા લોકો માટે જ નહીં…આમાં અન્ય કુશળતા ધરાવતા લોકો પણ વિઝા મેળવી શકશે. રાષ્ટ્રપતિની ચૂંટણીના ઉમેદવાર પોતે ઇમિગ્રન્ટ છે. તેઓ ઈમિગ્રેશન નીતિને વધુ કડક બનાવવાની વાત કરી રહ્યા છે. તે દક્ષિણ સરહદ પર સેનાના ઉપયોગની હિમાયત કરે છે. એવું કહેવામાં આવે છે કે જેઓ ગેરકાયદેસર ઇમિગ્રન્ટ્સના બાળકો છે તેમને પાછા મોકલવા જોઈએ, જ્યારે યુએસ બંધારણની કલમ 14 અમેરિકામાં જન્મેલા બાળકોને નાગરિકતાનો અધિકાર આપે છે.