વિશ્વનું સૌથી મોંઘું ઘર, જેની કિંમત અંબાણીના એન્ટિલિયા કરતા ડબલ

• બકિંગહામ પેલેસ દુનિયાનું સૌથી મોંઘુ ઘર
  
• બીજા ક્રમે આવે છે અંબાણીનું એન્ટિલિયા
• પેલેસને બે વખત રિનોવેટ કરવામાં આવ્યો હતો.

ભારતના સૌથી અમીર ઉદ્યોગપતિ એવા મુકેશ અંબાણીના નિવાસ સ્થાન એન્ટિલિયાને સૌથી મોંઘુ ઘર માનવામાં આવે છે. પણ આ વર્ષે થયેલા એક સર્વે અનુસાર દુનિયાનું સૌથી મોંઘું નિવાસસ્થાન બ્રિટનના રાજવી પરિવારનું ઘર બકિંગહામ પેલેસ છે. જેની કિંમત એન્ટિલિયા કરતા બમણી માનવામાં આવે છે. મુકેશ અંબાણીના નિવાસસ્થાન એન્ટિલિયાની કિંમત 15000 કરોડ રૂપિયા હોવાનો અંદાજ છે.

27 માળની ઈમારત

આ ઈમારત કુલ 27 માળની છે. છ ફ્લોર પર અંબાણી પરિવાર નિવાસ કરે છે. દરેક માળ પર એનો એક પરિવાર રહે છે. બ્રિટનના રાજવી પરિવારના ઘર બકિંગહામ પેલેસનું નિર્માણ 1703માં થયું હતું. વિશ્વની સૌથી પ્રતિષ્ઠિત પ્રોપર્ટીની વાત કરવામાં આવે ત્યારે આ પેલેસની ગણના પહેલા ક્રમે કરવામાં આવે છે, 19મી સદીમાં સમગ્ર પેલેસનું રીનોવેશન કરવામાં આવ્યું હતું. રાણી વિક્ટોરિયાએ આ પેલેસનું રિનોવેશન કરાવ્યું હતું. આ પેલેસમાં કુલ 775 રૂમ છે. જ્યારે 52 બેડરૂમ છે. સ્ટાફ અને અન્ય કર્મચારીઓ માટે 188 બેડરૂમ છે. 92 ઓફિસ તથા 78 બાથરૂમ છે. સમગ્ર પેલેસમાં અતિ મોંઘા ઘરેણાનો પણ એક ખજાનો છે. ઓર્નામેન્ટનું સારૂ એવું ક્લેક્શન અહીં સચવાયેલું છે.

આવી પણ હકીકત છે

અંબાણીના ઘરની વાત કરવામાં આવે તો દિવસમાં એક વખત આખું એન્ટિલિયા હાઉસ ખાલી થાય છે. એ સમયે દરેક ફ્લોર પર સફાઈ કરવામાં આવે છે. ઘરના દરેક ડ્રાઈવર જે તે કારના એક્સપર્ટ અને સર્ટિફાઈડ વ્યક્તિ છે. એસ્ટ્રેલિયાની કન્સ્ટ્રક્શન કંપનીએ આ ઈમારતનું નિર્માણ કર્યું છે. આ ઈમારતમાં સ્વિમિંગ પૂલથી લઈને પાર્કિંગ સુધીની સગવડ છે. સાઉથ મુંબઈના એલ્ટામાઉન્ટ રોડ પર આવેલી સૌથી મોંઘી પ્રોપર્ટી પૈકીની એક પ્રોપર્ટી એન્ટિલિયા હાઉસ છે. 600 જેટલા સફાઈ કર્મી અંદર કામ કરે છે.