પેરાશ્યુટ ખોલતાં પહેલા લગભગ અઢી મિનિટ ફ્રીફોલમાં પસાર કર્યો
ગરમ માસ્ક પહેર્યા હોવા છતાં ત્રણેયને ગાલ પર થોડો હિમ લાગવા લાગ્યો
ત્રણ રશિયનોએ ગયા અઠવાડિયે પૃથ્વીના ઊર્ધ્વમંડળથી ઉત્તર ધ્રુવ સુધી પેરાશૂટ કરવા માટે એક મિશનમાં વિશ્વ વિક્રમ સ્થાપ્યો હતો. જેણે આર્ક્ટિકમાં ઉપયોગ માટે નવી પ્રોટોટાઇપ કોમ્યુનિકેશન સિસ્ટમના પરીક્ષણ તરીકે પણ કામ કર્યું હતું.
પેરાશ્યુટ ખોલતાં પહેલા લગભગ અઢી મિનિટ ફ્રીફોલમાં પસાર કર્યો
મળતી માહિતી મુજબ, મિખાઇલ કોર્નિયેન્કો, એલેક્ઝાન્ડર લિનિક અને ડેનિસ યેફ્રેમોવે પોતાને 10,500 મીટર એટલે કે 34,450 ફીટની ઊંચાઈએ ઇલ્યુશિન - 76 પ્લેનમાંથી કૂદીને જમીનથી 1,000 મીટર ઉપર તેમના પેરાશ્યુટ ખોલતાં પહેલા લગભગ અઢી મિનિટ ફ્રીફોલમાં પસાર કર્યો હતો.
ગરમ માસ્ક પહેર્યા હોવા છતાં ત્રણેયને ગાલ પર થોડો હિમ લાગવા લાગ્યો
તેમજ આયોજક નિકિતા ત્સાપ્લીને જણાવ્યું હતું કે, ગરમ માસ્ક પહેર્યા હોવા છતાં ત્રણેયને તેમના ગાલ પર થોડો હિમ લાગવા લાગ્યો હતો. 300 કિમી/કલાકથી વધુની ઝડપે તેઓ ઉડતાં જતાં, હવાનું તાપમાન -50 સેલ્સિયસ એટલે કે -58 ફેરનહીટ, -70C એટલે કે -94F જેવું લાગ્યું.
ડીઝલ જનરેટરનો ઉપયોગ કરીને સર્વરને પાવર અપ કરતાં
તેઓ રશિયાના બાર્નિયો ધ્રુવીય આધારની નજીક ઉતર્યા, જ્યાં ત્સાપ્લીને કહ્યું કે, તેઓ ડીઝલ જનરેટરનો ઉપયોગ કરીને સર્વરને પાવર અપ કરવામાં અને સેટેલાઇટ સાથે જોડાણ સ્થાપિત કરવામાં સક્ષમ છે.
આર્કટિકમાં સંદેશાવ્યવહારને વધુ મહત્ત્વ મળે તેવી શક્યતા
રશિયા, યુનાઇટેડ સ્ટેટ્સ અને ચીન સહિતના રાષ્ટ્રો ત્યાં સંસાધનો, વેપાર માર્ગો અને લશ્કરી લાભ માટે સ્પર્ધા કરે છે તેથી આર્કટિકમાં સંદેશાવ્યવહારને વધુ મહત્ત્વ મળે તેવી શક્યતા છે. ત્સાપ્લીને જણાવ્યું હતું કે રશિયનો પ્રાયોગિક પ્રણાલી દ્વારા ડેટા મોકલવામાં સક્ષમ હતા, જોકે તેમણે આ સમયે સ્વીકાર્યું હતું કે તેની પાસે યુએસ સ્થિત ઇરિડિયમ કોમ્યુનિકેશન્સ ઇન્કની ક્ષમતાઓ જેવું કંઈ નથી, જે પૃથ્વીના બંને ધ્રુવોથી કવરેજ પૂરું પાડે છે.
