સ્કંદ પૂરાણ અનુસાર, રથયાત્રા દરમિયાન જે વ્યક્તિ ભગવાન જગન્નાથના નામનું કીર્તન કરતાં ગુન્ડીચા મંદિર સુધી જાય છે, તે જન્મ-મરણના બંધનથી મુક્ત થઈ જાય છે. મોક્ષ ગતિને પામે છે. પંચાંગ મુજબ, રથયાત્રા દર વર્ષે અષાઢ મહિનાના શુક્લ પક્ષની દ્વિતીયા તિથિએ એટલેકે અષાઢી બીજે કાઢવામાં આવે છે. ચાલો જાણીએ કે 2026માં આ પર્વ ક્યારે ઉજવાશે.
જગન્નાથ રથયાત્રા 2026 તારીખ
જગન્નાથ રથયાત્રા અષાઢ મહિનાની શુક્લ પક્ષ દ્વિતીયા તિથિએ ઉજવાય છે. અંગ્રેજી કેલેન્ડર મુજબ દર વર્ષે તારીખમાં ફેરફાર થાય છે અને સામાન્ય રીતે જૂન-જુલાઈમાં આવે છે. 2026માં આ પર્વ ગુરુવાર, 16 જુલાઈના રોજ ઉજવાશે. પંચાંગ મુજબ દ્વિતીયા તિથિ 15 જુલાઈ સવારે 11:50 વાગ્યે શરૂ થશે અને 16 જુલાઈ સવારે 08:52 વાગ્યે પૂર્ણ થશે. ઉદયતિથિના આધારે 16 જુલાઈએ પર્વ ઉજવાશે.
જગન્નાથ રથયાત્રાનું મહત્વ
જગન્નાથ રથયાત્રાની શરૂઆત વિશે અનેક કથાઓ પ્રચલિત છે, પરંતુ સામાન્ય રીતે 12મીથી 16મી સદી વચ્ચે તેની શરૂઆત માનવામાં આવે છે. આ પર્વનું મુખ્ય મહત્વ એ છે કે તે સમાજમાં એકતા અને ભાઈચારો વધારવામાં મદદ કરે છે. આ ભવ્ય આયોજનમાં મોટી સંખ્યામાં લોકો એકત્ર થાય છે અને ઉત્સાહપૂર્વક પર્વ ઉજવે છે.
રથયાત્રાના રિવાજો
છેરા રસ્મ – ભગવાન જગન્નાથનો રથ મંદિરથી ગુન્ડીચા મંદિર સુધી જાય છે. યાત્રા પહેલાં 'છેરા રસ્મ’ કરવામાં આવે છે, જેમાં ઉડિશાના રાજા સોનાના ઝાડૂથી રથની સફાઈ કરે છે.
ત્રણ રથ બનાવવામાં આવે છે
ત્રણ રથ બનાવવામાં આવે છે – રથયાત્રા દરમિયાન ત્રણ અલગ-અલગ રથ બનાવવામાં આવે છે. ભગવાન જગન્નાથનો રથ 'નંદીઘોષ’ કહેવાય છે, જે લાલ રંગનો અને 16 પૈડાવાળો સૌથી મોટો રથ છે. ભગવાન બલભદ્રનો રથ 'તાલધ્વજ’ કહેવાય છે, જે લીલા, નીલા અને લાલ રંગનો હોય છે અને તેમાં 14 પૈડા હોય છે. દેવી સુભદ્રાનો રથ 'દર્પદલન’ કહેવાય છે, જે લાલ અને કાળા રંગનો હોય છે અને તેમાં 12 પૈડા હોય છે.
નવ દિવસ સુધી ચાલે છે ઉત્સવ
જગન્નાથ રથયાત્રા માત્ર એક દિવસનો પર્વ નથી, પરંતુ લગભગ નવ દિવસ સુધી ચાલે છે. ભગવાન જગન્નાથ ગુન્ડીચા મંદિરમાં થોડા દિવસ આરામ કરે છે અને પછી ‘બહુડા યાત્રા’ દરમિયાન પાછા મુખ્ય મંદિરમાં પરત આવે છે. આ સમગ્ર ઉત્સવ દરમિયાન ભજન-કીર્તન, પૂજા-અર્ચના અને વિશાળ મેળાનો આયોજન થાય છે.અમદાવાદમાં પણ ભગવાન જગન્નાથજીની ભવ્ય રથયાત્રા નિકળે છે.
આ પણ વાંચો: Grah Gochar: 13 એપ્રિલે બુધ કરશે શનિના નક્ષત્રમાં પ્રવેશ, આ રાશિની આવક વધશે
(Disclaimer: આ સમાચારમાં આપવામાં આવેલી માહિતી ધાર્મિક માન્યતાઓ અને સામાન્ય માહિતી પર આધારિત છે. (sandesh news) સંદેશ ન્યૂઝ આની પુષ્ટિ કરતું નથી.)
