- વર્ષ 2024 માં, રક્ષાબંધન 19 ઓગસ્ટ સોમવારના રોજ ઉજવવામાં આવશે
- આ તહેવાર પર ભદ્રાની અશુભ છાયા છવાઈ રહી છે
- ભદ્રાકાળમાં બહેનોએ પોતાના ભાઈઓને રાખડી ન બાંધવી જોઈએ
રક્ષાબંધનના તહેવારને લઇને ભાઇ-બહેન ખુબજ ઉત્સાહીત છે. શ્રાવણનો સૌથી મોટો તહેવાર હવે ગણતરીના સમયમાં છે. શ્રાવણની પૂર્ણિમાએ 19 સપ્ટેમ્બરે રક્ષાબંધનનો પવિત્ર તહેવાર છે. હિંદુ ધર્મમાં ભદ્રા કાળમાં કોઈ શુભ કે માંગલીક કાર્ય કરવામાં આવતું નથી. ભદ્રા ભગવાન શનિદેવની બહેન તેમજ ભગવાન સૂર્યની પુત્રી છે. તેને શનિદેવ કરતાં પણ વધુ ખતરનાક માનવામાં આવે છે, કારણ કે તેની અશુભ દૃષ્ટિથી થયેલા કામ બગડી શકે છે અને જીવન નરક જેવું બની શકે છે. તેથી, શાસ્ત્રોમાં કહેવામાં આવ્યું છે કે ભદ્રા કાળમાં કોઈ પણ શુભ કાર્ય ન કરવું જોઈએ, તેનાથી દૂર રહેવું જોઈએ.
રક્ષાબંધન 2024 પર ભદ્રાની અશુભ છાયા
વર્ષ 2024 માં, રક્ષાબંધન 19 ઓગસ્ટ સોમવારના રોજ ઉજવવામાં આવશે. આ તહેવાર પર ભદ્રાની અશુભ છાયા છવાઈ રહી છે જે ભાઈ-બહેન વચ્ચેના અતૂટ વિશ્વાસ અને પ્રેમના પ્રતીક સમાન તહેવારમાં વિઘ્ન બની શકે છે. ભદ્રાકાળમાં બહેનોએ પોતાના ભાઈઓને રાખડી ન બાંધવી જોઈએ નહીં તો તેની અશુભ અસર થઈ શકે છે.
ભદ્રા કેટલો સમય છે?
ભદ્રા શનિદેવ જેટલી જ ખતરનાક છે. 19 ઓગસ્ટે ભદ્રા સવારે શરૂ થશે અને બપોરે સમાપ્ત થશે. જ્યાં સુધી સમયની વાત છે, તે સવારે 5:52 થી શરૂ થઈને બપોરે 1:32 સુધી ચાલે છે. આ સમયે રાખડી ન બાંધવી જોઈએ.
રક્ષા બંધન 2024: રાખડી બાંધવાનો શુભ સમય
19 ઓગસ્ટ, 2024 ના રોજ રાખડી બાંધવાનો શુભ સમય બપોરે 1:33થી શરૂ થાય છે, જે રાત્રે 9:07 સુધી છે. પરંતુ પંચક પણ આ તારીખે સાંજથી શરૂ થઈ રહ્યું છે. હિન્દુ ધર્મમાં પંચકની શરૂઆતમાં પણ કોઈ શુભ કાર્ય કરવામાં આવતું નથી.
ભદ્રાથી બચવા માટે ભદ્રાના 12 નામ લો.
ધાર્મિક ગ્રંથો અનુસાર ભદ્રાના અશુભ પ્રભાવથી બચવા માટે તેના 12 નામનો જાપ કરવો જોઈએ. આનાથી ભદ્રા ખુશ થઈ જાય છે.
આ છે ભદ્રાના 12 નામ:
1. ધન્યા, 2. દધીમુખી, 3. ભદ્રા, 4. મહામારી, 5. ખરાનના, 6. કાલરાત્રિ, 7. મહારુદ્રા, 8. વિષ્ટિકરણ, 9. કુલપુત્રિકા, 10. ભૈરવી, 11. મહાકાલી અને 12. અસુરક્ષયકારી.
જો આ દિવસે કોઈ ભૂલ થઈ જાય તો આ દિવસે ભદ્રાના આ 12 નામ અવશ્ય લેવા જોઈએ. તેનાથી ભદ્રાના અશુભ પ્રભાવથી રાહત મળે છે. એવું માનવામાં આવે છે કે ભદ્રાના આ 12 નામોનું સ્મરણ, ઉચ્ચારણ અને જાપ કરવાથી તમામ કાર્યો સફળ થાય છે.
