- નવરાત્રિના દિવસોમાં માતા રાનીની પૂજા વિશેષ ફળદાયી
- માતા દુર્ગા નવરાત્રિ દરમિયાન પૃથ્વી પર નિવાસ કરે છે
- ઘરમાં કોઈ પણ દેવતાની તૂટેલી મૂર્તિ ન રાખવી જોઈએ
માતા અંબે તેમના ભક્તોની ડગલેને પગલે કાલજી કરે છે, જો કે નવરાત્રિના દિવસોમાં માતા રાનીની પૂજા વિશેષ ફળદાયી છે. આ સમયગાળા દરમિયાન પૂજાનો લાભ પણ ઝડપથી મળે છે. આનું કારણ એ છે કે માતા દુર્ગા નવરાત્રિ દરમિયાન પૃથ્વી પર નિવાસ કરે છે અને તેમના ભક્તોની ઇચ્છાઓ સાંભળે છે. એવું કહેવાય છે કે નવરાત્રિના પવિત્ર દિવસોમાં જ્યાં પણ માતા રાનીની મૂર્તિની પૂજા કરવામાં આવે છે, મા અંબે તે તમામ સ્થાનો પર નિવાસ કરે છે અને તેમના ભક્તોની પૂજાનો સીધો સ્વીકાર કરે છે. તેથી માતા દુર્ગાના આશીર્વાદ મેળવવા માટે નવરાત્રિ ખૂબ જ પવિત્ર માનવામાં આવે છે. નવરાત્રિ પહેલા જ લોકો ઘરમાં તૈયારીઓ શરૂ કરી દે છે. ટૂંક સમયમાં શારદીય નવરાત્રિનો પ્રારંભ થવા જઈ રહ્યો છે. જો તમે માતા અંબેના આશીર્વાદ મેળવવા માંગતા હોવ તો શારદીય નવરાત્રિની શરૂઆત પહેલા તમારા ઘરમાંથી કેટલીક વસ્તુઓ ફેંકી દો, કારણ કે આ વસ્તુઓ ઘરમાં નકારાત્મકતા લાવે છે.
ખંડીત મૂર્તિઓ
ઘરમાં કોઈ પણ દેવતાની તૂટેલી મૂર્તિ ન રાખવી જોઈએ. આને શુભ માનવામાં આવતું નથી. જો તમારા ઘરમાં મૂર્તિઓ તૂટી ગઈ હોય તો શારદીય નવરાત્રિની શરૂઆત પહેલા તેને ઘરમાંથી કાઢીને પવિત્ર નદીમાં ફેંકી દેવી જોઈએ.
જૂના પગરખાં અને ચંપલ
જો તમારા ઘરમાં જૂના ચંપલ અને જૂતા પડ્યા હોય, જેનો તમે ઉપયોગ નથી કરતા, તો નવરાત્રિ શરૂ થાય તે પહેલા તેને ઘરમાંથી કાઢી નાખો. વાસ્તુ નિષ્ણાતોના મતે જૂના ચંપલ ઘરમાં રાખવાથી નકારાત્મક ઉર્જા આવે છે.
બંધ થયેલી ઘડિયાળ
ઘરમાં બંધ ઘડિયાળ રાખવાથી પરિવારના સભ્યોની પ્રગતિ અટકે છે અને ઘરમાં નકારાત્મકતા વધે છે. તેથી નવરાત્રિ શરૂ થતા પહેલા ઘરમાં બંધ ઘડિયાળ અને અન્ય બિનજરૂરી વસ્તુઓ કાઢી નાખો.
તૂટેલો કાચ
તૂટેલા કાચ અથવા તેનાથી બનેલી વસ્તુઓ રાખવાથી ઘરમાં નકારાત્મક ઉર્જા આવે છે, જેના કારણે આર્થિક સ્થિતિ નબળી પડવા લાગે છે. તેથી નવરાત્રિ શરૂ થાય તે પહેલા ઘરમાંથી કાચની તૂટેલી વસ્તુઓ કાઢી નાખો.
ફાટેલા ધાર્મિક પુસ્તકો
વાસ્તુશાસ્ત્ર અનુસાર, ફાટેલા ધાર્મિક પુસ્તકો ક્યારેય ઘરમાં ન રાખવા જોઈએ. જો કોઈ ધાર્મિક પુસ્તક ફાટી ગયું હોય તો તેને નવરાત્રિ પહેલા વહેતા જળમાં પધરાવી દો.
