Karwa Chauth: કરવા ચોથ પર અચૂક ખરીદો આ 5 વસ્તુઓ, થશે લાભ

દરેક પરિણીત સ્ત્રી આતુરતાપૂર્વક કરવા ચોથની રાહ જોતી હોય છે. આ વ્રત પતિના લાંબા આયુષ્ય અને સુખી દામ્પત્ય જીવન માટે કરવામાં આવે છે. આ વર્ષે કરવા ચોથનું વ્રત 20 ઓક્ટોબર 2024, રવિવારના રોજ છે. એવું માનવામાં આવે છે કે આ દિવસે કેટલીક વસ્તુઓની ખરીદી કરવી ખૂબ જ શુભ હોય છે. જાણો કરવા ચોથના દિવસે કઈ વસ્તુઓ ખરીદવી જોઈએ.

લાલ રંગની સાડી અથવા કપડાં

કરવા ચોથ પર લાલ રંગના કપડા ખરીદવા ખૂબ જ શુભ માનવામાં આવે છે. હિન્દુ ધર્મમાં લાલ રંગને પરિણીત સ્ત્રી માટે સૌભાગ્ય અને પ્રેમનું પ્રતીક માનવામાં આવે છે. આ દિવસે મહિલાઓ મોટાભાગે લાલ કે ગુલાબી રંગની સાડી પહેરે છે. જો તમારી પાસે લાલ કે ગુલાબી સાડી નથી, તો તમે સફેદ અને કાળા સિવાય કોઈપણ રંગની સાડી અથવા ડ્રેસ પહેરી શકો છો.

શૃંગાર કરવાની વસ્તુઓ

સ્ત્રીઓને હંમેશા તૈયાર થવાનો વધારે શોખ હોય છે. શૃંગાર કરવા માટેની સામગ્રી જેવી કે બિંદી, પાયલ, બંગડી આ બધી વસ્તુઓની ખરીદી કરવી શુભ માનવામાં આવે છે. મેકઅપનો પણ સામાન આ દિવસે ખરીદી શકો છો.

સોના અને ચાંદીના દાગીના

કરવા ચોથ પર સોના-ચાંદીના આભૂષણો અથવા આભૂષણોની ખરીદી કરવી ખૂબ જ શુભ માનવામાં આવે છે. જે સુહાગની નિશાની માનવામાં આવે છે.

પૂજાની વસ્તુઓ

કરવા ચોથના દિવસે પૂજા માટે ઉપયોગમાં લેવાતી વસ્તુઓ જેવી કે દીવો, માટીનું વાસણ મીઠાઈ વગેરેની ખરીદી કરવામાં આવે છે. કરવા ચોથની પૂજામાં માટીના વાસણનું ખાસ મહત્વ હોય છે. એવું માનવામાં આવે છે કે તેને ખરીદવાથી જીવનમાં સુખ અને સમૃદ્ધિ આવે છે.

ચાળણી

કરવા ચોથ વ્રત દરમિયાન ચાળણી દ્વારા ચંદ્રને જોયા પછી પતિને તે ચાળણીમાં જોવામાં આવે છે. કરવા ચોથના દિવસે ચાળણી ખરીદવી પણ શુભ માનવામાં આવે છે.

(Disclaimer: લેખમાં આપવામાં આવેલી માહિતી સંપૂર્ણપણે સાચી અને સચોટ હોવાનો સંદેશ ન્યૂઝ દાવો કરતુ નથી.)