- પુત્રી જયંતિની કંપનીમાં ઓછી રુચિના કારણે વેચવી પડી રહી છે કંપની
- બિસ્લેરીની લોકપ્રિયતા અને બોલચાલનો શ્રેય રમેશ ચૌહાણને નામે
- રમેશભાઈએ 28 વર્ષે કરી હતી કંપનીની ડીલ
ભારતમાં બિસ્લેરીનો ઈતિહાસ લગભગ 5 દાયકા જૂનો છે. ભારતમાં બિસ્લેરીને લોકપ્રિય અને બોલચાલનું પાણી વેચવાનો શ્રેય રમેશ ચૌહાણને જાય છે. તેણે આ કંપનીની ડીલ માત્ર 28 વર્ષની ઉંમરે કરી હતી. હવે તેમની ઉંમર વધીને 82 વર્ષ થઈ ગઈ છે. હકીકતમાં રમેશ ચૌહાણે આ કંપની બનાવવામાં યુવાનીથી લઈને વૃદ્ધાવસ્થા સુધીનો સમય પસાર કર્યો હતો. તેઓએ બિસ્લેરી કંપની માત્ર 4 લાખ રૂપિયામાં ખરીદી હતી, જેની કિંમત આજે હજારો કરોડ રૂપિયા થઈ ગઈ છે. ઉલ્લેખનીય છે કે ભારતમાં પેકેજ્ડ વોટરનું માર્કેટ રૂ. 20,000 કરોડથી વધુ છે. તેમાંથી 60 ટકા અસંગઠિત છે. સંગઠિત બજારમાં બિસ્લેરીનો હિસ્સો લગભગ 32 ટકા છે. એટલે કે દેશમાં પાણીની દર ત્રીજી બોટલ બિસ્લેરી દ્વારા વેચાય છે. પરંતુ હવે રમેશ ચૌહાણે બિસલેરી કંપની વેચવાનો નિર્ણય લીધો છે. છેવટે કારણ શું હોઈ શકે? રમેશ ચૌહાણે પોતે જણાવ્યું હતું કે તેઓએ કંપનીને ભારતમાં લોકપ્રિય કર્યા પછી હવે આ આંતરરાષ્ટ્રીય બ્રાન્ડને વેચવાનો નિર્ણય કેમ લીધો છે. કારણ કે કંપની નફામાં છે, અને ધંધો પણ વર્ષે વર્ષે વધી રહ્યો છે.
શું છે કારણ
મળતી માહિતી અનુસાર રમેશ ચૌહાણ 82 વર્ષના છે, વૃદ્ધાવસ્થા તેમજ ખરાબ સ્વાસ્થ્યને કારણે તેમણે આ કંપની વેચવાનો નિર્ણય કર્યો છે. અહેવાલ જણાવે છે કે ચેરમેન પાસે બિસ્લેરીને આગળ લઈ જવા અથવા તેને વિસ્તરણના આગલા સ્તર પર લઈ જવા માટે કોઈ અનુગામી નથી.
જયંતિ ચૌહાણ વિશે
શું ખરેખર કંપની ચલાવવા માટે કોઈ નથી? સૌથી પહેલા જાણી લો રમેશ ચૌહાણના પરિવાર વિશે. તેમના વિશે મળતી માહિતી મુજબ, તેમને જયંતિ ચૌહાણ નામની પુત્રી છે. તેમની ઉંમર 37 વર્ષની છે. અને તે બિસ્લેરી કંપનીના વાઇસ ચેરપર્સન છે. કંપનીની વેબસાઈટ પર આપવામાં આવેલી માહિતી અનુસાર જયંતિના પિતા અને બિસ્લેરીના સ્થાપક રમેશ ચૌહાણે 24 વર્ષની ઉંમરે તેમની પુત્રીને કંપની સોંપી દીધી હતી. શરૂઆતમાં જયંતિને દિલ્હી ઓફિસની જવાબદારી સોંપવામાં આવી હતી. જે બાદ 2011માં મુંબઈ બિસ્લેરી ઓફિસની જવાબદારી પણ તેમને સોંપવામાં આવી હતી. તે પછી જયંતિએ વૈશ્વિક સ્તરે પણ બ્રાન્ડને વધારવામાં મોટી ભૂમિકા ભજવી છે.
દીકરી જયંતિ પ્રત્યેનો કંપની પ્રત્યોનો ઓછો રસ પણ કારણ
જો અહેવાલો પર વિશ્વાસ કરવામાં આવે તો, રમેશ ચૌહાણે પુત્રી જયંતિની કંપનીમાં ઓછી રુચિને બિસ્લેરી વેચવા પાછળનું એક કારણ ગણાવ્યું છે. તેમની પુત્રી અને બિસ્લેરીના વાઇસ-ચેરપર્સન જયંતિ આ સાહસ માટે ખૂબ ઉત્સુક નથી. જેના કારણે બિસ્લેરી વેચવાની તૈયારીઓ કરવામાં આવી રહી છે. અત્રે જણાવવાનું કે બિસ્લેરીના ચેરમેન અને એમડીના પદની જવાબદારી રમેશ ચૌહાણના ખભા પર છે, જ્યારે તેમની પત્ની ઝૈનબ ચૌહાણ કંપનીની ડાયરેક્ટર છે. બિસ્લેરી ઈન્ટરનેશનલના ચેરમેન રમેશ ચૌહાણે કહ્યું કે ભવિષ્યમાં આ કંપનીને કોઈએ સંભાળવી પડશે, તેથી અમે યોગ્ય રસ્તો શોધી રહ્યા છીએ. તેમની પુત્રીને ધંધો ચલાવવામાં ઓછો રસ છે. જો કે તેમણે કહ્યું કે માત્ર વાતચીત ચાલી રહી છે, પરંતુ ડીલ પર મહોર મારવામાં આવી નથી.
આ ડીલ 7,000 કરોડ રૂપિયામાં થઈ શકે છે
મીડિયા રિપોર્ટ અનુસાર ખરીદદારોની રેસમાં ટાટા કંપની સૌથી આગળ છે. આ ડીલ રૂ. 6,000-7,000 કરોડની હોવાનું કહેવાય છે. પરંતુ રમેશ ચૌહાણ હાલમાં તેનો ઈન્કાર કરી રહ્યા છે. તેમણે કહ્યું કે અત્યારે માત્ર ઘણી કંપનીઓ સાથે વાતચીત ચાલી રહી છે.
બિસ્લેરીનો મજબૂત બિઝનેસ
દેશમાં પેકેજ્ડ વોટરનું માર્કેટ 20,000 કરોડ રૂપિયાથી વધુ છે. તેમાંથી 60 ટકા અસંગઠિત છે. બિસ્લેરીના ઈતિહાસ પર નજર કરીએ તો 1965માં મુંબઈના થાણેમાં પ્રથમ 'બિસલેરી વોટર પ્લાન્ટ'ની સ્થાપના કરવામાં આવી હતી. આજે સંગઠિત બજારમાં બિસ્લેરીનો હિસ્સો લગભગ 32% છે. વેબસાઈટ પર આપવામાં આવેલી માહિતી અનુસાર, બિસ્લેરી પાસે 122થી વધુ ઓપરેશનલ પ્લાન્ટ છે. તે સમગ્ર ભારતમાં 5,000 ટ્રકો સાથે 4,500થી વધુનું વિતરક નેટવર્ક ધરાવે છે.
