- 10 હજાર યુનિટના નુકસાનની શક્યતા
- મારુતિ સુઝુકી ડિસેમ્બરમાં 135,000-140,000 યૂનિટ્સનું કરશે ઉત્પાદન
- કંપનીને રૂ. 551 કરોડની આવકનું નુકસાન થવાની શક્યતા
ચીનમાં લોકડાઉનના કારણે અનેક સેક્ટર પર અસર થઈ રહી છે. પહેલા આ લોકડાઉનની અસરનો ભોગ એપલ કંપની બની હતી. હવે આ મહિને દેશની સૌથી મોટી કાર નિર્માતા કંપની મારુતિ સુઝુકીના ઉત્પાદન કાર્યમાં વિક્ષેપ પડવાની શક્યતા છે. મારુતિ સુઝુકી ડિસેમ્બરમાં આશરે 135,000-140,000 એકમોનું ઉત્પાદન કરે તેવી શક્યતા છે, જે છેલ્લા 13 મહિનામાં સૌથી નીચું ઉત્પાદન સ્તર છે. કંપનીએ કહ્યું કે, અપેક્ષિત છે કે ઇલેક્ટ્રોનિક ઘટકોની અછતને કારણે ડિસેમ્બર 2022 માં ઉત્પાદન પર તાજેતરના મહિનાઓ કરતાં વધુ અસર થઈ શકે છે.
10 હજાર યુનિટના નુકસાનની શક્યતા
નિષ્ણાતો કહે છે કે છેલ્લા કેટલાક દિવસોમાં સેમી-કન્ડક્ટરનો પુરવઠો બગડ્યો છે અને લગભગ 10,000 યુનિટ્સનું ઉત્પાદન નુકસાન થવાની સંભાવના છે. એક સૂત્રએ જણાવ્યું હતું કે ચીનમાં લોકડાઉનને કારણે સપ્લાય ચેઇન ફરીથી ખોરવાઈ ગઈ છે, જેના કારણે ઉત્પાદન યોજનાઓમાં વધુ અનિશ્ચિતતા વધી છે. મારુતિ સુઝુકીનું છેલ્લું ઉત્પાદન ઓક્ટોબર 2021માં 1.35 લાખ યુનિટ હતું.
આટલી આવકનું નુકસાન થઈ શકે છે
પ્રતિ યુનિટ રૂ. 5.51 લાખની સરેરાશ વેચાણ કિંમતના આધારે આશરે 10,000 યુનિટના ઉત્પાદનમાં નુકસાનને કારણે કંપનીને રૂ. 551 કરોડની આવકનું નુકસાન થશે. મારુતિ સુઝુકીએ જુલાઈ 2022માં 184,890 એકમોનું પીક પ્રોડક્શન નોંધાવ્યું હતું, જ્યારે સેમિકન્ડક્ટર કટોકટી ઓછી થઈ અને રિટેલરો તરફથી પુરવઠો સુધર્યો. જો કે છેલ્લા ત્રણ મહિનામાં ઉત્પાદનમાં ધીમે ધીમે ઘટાડો જોવા મળી રહ્યો છે. નવેમ્બર 2022 માં, મારુતિએ 152,786 એકમોનું ઉત્પાદન કર્યું, જે ગયા વર્ષના સમાન મહિનામાં ઉત્પાદનની લગભગ બરાબર છે.
કંપનીનું શું કહેવું છે
વાર્ષિક ધોરણે, સ્વિફ્ટ અને ડિઝાયરના નિર્માતાએ 13.18 લાખ યુનિટનું ઉત્પાદન કર્યું હતું, જે ગયા વર્ષના સમાન સમયગાળા કરતાં 30 ટકા વધુ છે. વિક્રેતાઓને આપવામાં આવેલા ઉત્પાદન માર્ગદર્શનને પહોંચી વળવા કંપનીએ આગામી ચાર મહિના માટે દર મહિને 1.90 લાખ યુનિટનું ઉત્પાદન કરવાની જરૂર છે. મારુતિ સુઝુકીના એક્ઝિક્યુટિવ ડિરેક્ટર રાહુલ ભારતીએ જણાવ્યું હતું કે સેમી-કન્ડક્ટરની ઉપલબ્ધતા હંમેશા અણધારી રહી છે અને અત્યાર સુધી વિવિધ ડિગ્રી સુધી ઉત્પાદન વોલ્યુમને અસર કરી છે. અત્યારે પણ સેમી-કન્ડક્ટર્સની ઉપલબ્ધતા અણધારી છે અને આ સમસ્યા ક્યારે સમાપ્ત થશે તે વિશ્વાસ સાથે કહેવું મુશ્કેલ છે.
