Elon Musk 2 ડિસેમ્બરે લોન્ચ કરશે Verified ફીચર, જાણો શું હશે ખાસ

• કંપનીઓ માટે ગોલ્ડ ટિક
  
• સરકાર માટે ગ્રે ટિક
• સામાન્ય માણસો માટે બ્લૂ ટિક

ટ્વિટરના નવા માલિક એલન મસ્કે શુક્રવારે કહ્યું કે 2 ડિસેમ્બર, એટલે કે આવતા શુક્રવારે તેઓ 'વેરિફાઈડ' નામનું તેમનું વેરિફિકેશન ફીચર લોન્ચ કરશે. તેમણે કહ્યું કે તેમાં કંપનીઓ માટે ગોલ્ડ ટિક, સરકાર માટે ગ્રે ટિક અને વ્યક્તિઓ માટે બ્લુ ટિકની સુવિધા તૈયાર કરવામાં આવી છે. આ ટિક સક્રિય થાય તે પહેલાં બધા વેરિફાઈડ એકાઉન્ટ્સ મેન્યુઅલી પ્રમાણિત કરવામાં આવશે.

આગામી અઠવાડિયે લોન્ચ થશે ફીચર

તેમણે કહ્યું કે વિલંબ બદલ માફ કરશો, તેઓ આગામી અઠવાડિયે શુક્રવાર 2જી ડિસેમ્બરે વેરિફાઈડ ફીચર લોન્ચ કરી રહ્યા છે. કંપનીએ નકલી એકાઉન્ટ્સને કારણે તાજેતરમાં જાહેર કરેલી તેની 8 ડોલરની બ્લુ ટિક સબ્સ્ક્રિપ્શન સેવા બંધ કરી દીધી હતી અને કહ્યું હતું કે માંગને પગલે બ્લુ ટિક સબ્સ્ક્રિપ્શન સેવા 29 નવેમ્બરના રોજ ફરી શરૂ કરવામાં આવશે. પરંતુ બાદમાં બ્લુ ટિક સબ્સ્ક્રિપ્શનના રી-લોન્ચ પર પણ પ્રતિબંધ મૂકવામાં આવ્યો હતો. આઇકોનિક બ્લુ ટિક માર્ક અગાઉ રાજકારણીઓ, સેલિબ્રિટીઓ, પત્રકારો અને અન્ય જાહેર વ્યક્તિઓના વેરિફાઇડ એકાઉન્ટ્સ નક્કી કરવામાં આવ્યા હતા.

યૂઝર્સ માટે મોટો નિર્ણય

એલન મસ્કે ટ્વિટર પર પ્રતિબંધિત એકાઉન્ટ ધરાવતા વપરાશકર્તાઓ માટે મોટો નિર્ણય લીધો છે. હવે મસ્ક સસ્પેન્ડેડ એકાઉન્ટ ફરી શરૂ કરશે. અમેરિકાના પૂર્વ રાષ્ટ્રપતિ ડોનાલ્ડ ટ્રમ્પના ટ્વિટર હેન્ડલને રિસ્ટોર કર્યા બાદ અન્ય સસ્પેન્ડ કરેલા એકાઉન્ટને પણ માફ કરીને તેમનું રિસ્ટોરેશન શરૂ કરવામાં આવશે. આ નિર્ણય લેતા પહેલા મસ્કે પોલ કરીને લોકોનો અભિપ્રાય માંગ્યો હતો. 24 નવેમ્બરના રોજ મસ્કે એક પોલ તૈયાર કર્યો. જેમાં પૂછવામાં આવ્યું હતું કે શું ટ્વિટરે સસ્પેન્ડ કરેલા એકાઉન્ટ માટે સામાન્ય માફી આપવી જોઈએ. આના પર 72.4% લોકોએ હામાં જવાબ આપ્યો.

માફી પ્રક્રિયા આવતા સપ્તાહથી શરૂ થશે

ટ્વિટર પોલના પરિણામો બાદ એલન મસ્કે પણ પોતાના તરફથી એક નવું ટ્વિટ કર્યું છે. ગુરુવારે મોડી રાત્રે એલોન મસ્કે ટ્વિટ કર્યું કે જનતા જે ઇચ્છે છે તે થશે. જો મોટા ભાગના ટ્વિટર યુઝર્સ સસ્પેન્ડેડ એકાઉન્ટને પુનઃસ્થાપિત કરવા પર તેમની સ્ટેમ્પ લગાવશે તો આવું થશે. તેમણે એમ પણ કહ્યું છે કે ટ્વિટર પર સસ્પેન્ડ થયેલા એકાઉન્ટ્સને રિસ્ટોર કરવાની પ્રક્રિયા આવતા સપ્તાહથી શરૂ થશે.