- દિલ્હીમાં 24 કેરેટ સોનાની કિંમત રૂ. 74180 પ્રતિ 10 ગ્રામ
- સોનાના ભાવ ફરી રૂ. 75000 ને પાર પહોંચવાની તૈયારી
- ચાંદી રૂ. 89200 પર કરી રહી છે ટ્રેડ
જો તમે સોનું ખરીદવાનું વિચારી રહ્યા છો તો તમારા માટે માઠા સમાચાર છે. કેમકે સોનાના ભાવમાં ફરી એકવાર તેજી જોવા મળી છે. આંતરરાષ્ટ્રીય બજારમાં તેજી વચ્ચે શુક્રવારે સ્થાનિક બજારમાં સોનાના ભાવમાં ફરી એકવાર વધારો થયો છે. સ્થાનિક બજારમાં કારોબારી સપ્તાહના અંતિમ દિવસે સોનાના ભાવમાં 700 રૂપિયાનો વધારો થયો છે. દિલ્હીમાં 10 ગ્રામ સોનાનો ભાવ 74,180 રૂપિયા પર ટ્રેડ થઈ રહ્યો છે. સોનાની કિંમતમાં વધારાને કારણે તે ફરી એકવાર 75,000 રૂપિયા સુધી પહોંચવા માટે તૈયાર છે. તે જ સમયે ચાંદી પણ તેના ટોચના સ્તરે કારોબાર કરી રહી છે. ચાંદી રૂ.89,200 પર કારોબાર કરી રહી છે.
દિલ્હી-મુંબઈમાં સોનાની સ્થિતિ
17 મે 2024ના રોજ દિલ્હીમાં 22 કેરેટ સોનાની કિંમત આશરે રૂ. 68,010 પ્રતિ 10 ગ્રામ છે. જ્યારે 24 કેરેટ સોનાની કિંમત અંદાજે 74,180 રૂપિયા પ્રતિ 10 ગ્રામ છે. એ જ રીતે મુંબઈમાં 22 કેરેટ સોનાની કિંમત 67,860 રૂપિયા પ્રતિ 10 ગ્રામ છે, જ્યારે 24 કેરેટ સોનાની કિંમત 74,030 રૂપિયા પ્રતિ 10 ગ્રામ છે. અમદાવાદમાં પણ 22 કેરેટ સોનાની છૂટક કિંમત 67,910 રૂપિયા પ્રતિ 10 ગ્રામ છે. 24 કેરેટ સોનાની કિંમત 74,080 રૂપિયા પ્રતિ 10 ગ્રામ છે.
MCX પર સોનાની સ્થિતિ
સોનાના વાયદાના ભાવમાં ઘટાડા સાથે શરૂઆત થઈ હતી. મલ્ટી કોમોડિટી એક્સચેન્જ પર સોનાનો બેન્ચમાર્ક જૂન કોન્ટ્રાક્ટ આજે રૂ. 73ના ઘટાડા સાથે રૂ. 72,907 પર ખૂલ્યો હતો. આ કોન્ટ્રાક્ટ રૂ. 28ના ઉછાળા સાથે રૂ.73008ના ભાવે ટ્રેડ થઈ રહ્યો હતો. આ સમયે તે દિવસની ટોચે રૂ. 73008 અને દિવસની નીચી સપાટી રૂ. 72,833 પર પહોંચ્યો હતો. સોનાના વાયદાની કિંમત ગયા મહિને રૂ. 73,958ની સર્વોચ્ચ સપાટીએ પહોંચી હતી.
ચાંદીની સ્થિતિ શું છે
ચાંદીના વાયદાના ભાવોની શરૂઆત પણ આજે સુસ્ત રહી હતી. MCX પર ચાંદીનો બેન્ચમાર્ક જુલાઈ કોન્ટ્રાક્ટ આજે રૂ. 68ના ઘટાડા સાથે રૂ. 87,110 પર ખૂલ્યો હતો.તે કોન્ટ્રાક્ટ રૂ. 68ના ઉછાળા સાથે રૂ.87368 પર ટ્રેડ કરી રહ્યો હતો. આ સમયે તે દિવસની ટોચે રૂ. 87434 અને દિવસની નીચી સપાટી રૂ. 86,900 પર પહોંચ્યો હતો. ગુરુવારે ચાંદીના વાયદાના ભાવ રૂ. 87,494ની સર્વોચ્ચ સપાટીએ પહોંચી ગયા હતા.
