Union Budget 2026: હેલ્થ સેક્ટરને લઇને મોટી આશા-અપેક્ષા, કઇ વસ્તુઓ પર રખાશે ફોકસ ?

સૌથી મોટી માગ સરકારી આરોગ્ય ખર્ચ વધારવાની છે. નિષ્ણાતોના જણાવ્યા અનુસાર, ભારતમાં હેલ્થ પર જીડીપીનો ખર્ચ હજી પણ વિકસિત દેશોની સરખામણીએ ઓછો છે. બજેટમાં પબ્લિક હેલ્થ એક્સપેન્ડિચર વધારીને સરકારી હોસ્પિટલો, મેડિકલ કોલેજો અને પ્રાથમિક આરોગ્ય કેન્દ્રોને મજબૂત બનાવવાનો ફોકસ રાખવાની માંગ ઉઠી રહી છે.

ઇન્ફ્રાસ્ટ્રક્ચર અને માનવ સંસાધન પણ મોટો મુદ્દો છે.

ઇન્ફ્રાસ્ટ્રક્ચર અને માનવ સંસાધન પણ મોટો મુદ્દો છે. ગ્રામિણ અને દૂરદરાજના વિસ્તારોમાં ડોક્ટરો, નર્સો અને પેરામેડિકલ સ્ટાફની અછત હજુ પણ ગંભીર સમસ્યા બની છે. બજેટ 2026માં નવા મેડિકલ કોલેજો, નર્સિંગ સંસ્થાઓ અને હેલ્થ વર્કફોર્સ ટ્રેનિંગ માટે વધુ ફંડ ફાળવવાની માંગ કરવામાં આવી રહી છે.

આયુષ્માન ભારત યોજનાના વિસ્તરણ પર પણ સૌની નજર

આ ઉપરાંત આયુષ્માન ભારત યોજનાના વિસ્તરણ પર પણ સૌની નજર છે. લાભાર્થીઓની સંખ્યા વધારવા, કવર રકમમાં વધારો કરવા અને ખાનગી હોસ્પિટલોના જોડાણને વધુ સરળ બનાવવાની માંગ સતત ઉઠી રહી છે. આ પગલાંથી ગરીબ અને મધ્યવર્ગને વધુ સારો અને સગવડભર્યો ઈલાજ મળી શકે.

ડિજિટલ હેલ્થ અને ટેક્નોલોજી પણ બજેટનો મહત્વપૂર્ણ ફોકસ બની શકે છે. ઈ-હેલ્થ રેકોર્ડ્સ, ટેલિમેડિસિન, AI આધારિત ડાયગ્નોસ્ટિક્સ અને ડિજિટલ હેલ્થ પ્લેટફોર્મ્સ માટે ખાસ પ્રોત્સાહનની અપેક્ષા રાખવામાં આવી રહી છે, જેથી ઈલાજ વધુ સસ્તો અને ઝડપી બની શકે.

ફાર્મા અને મેડિકલ ડિવાઇસ સેક્ટર પણ રીસર્ચ એન્ડ ડેવલપમેન્ટ (R&D) અને ઘરેલું મેન્યુફેક્ચરિંગને પ્રોત્સાહન આપવા માટે ટેક્સ ઇન્સેન્ટિવ અને સબસિડીની માંગ કરી રહ્યા છે. આથી આયાત પરની નિર્ભરતા ઘટશે અને ભારત વૈશ્વિક હેલ્થકેર હબ બની શકે.

બજેટ 2026થી હેલ્થ સેક્ટરને આશા છે કે સરકાર સુલભ, કિફાયતી અને મજબૂત આરોગ્ય વ્યવસ્થા ઊભી કરવા માટે મોટા પગલાં લેશે, જેનો સીધો લાભ સામાન્ય જનતાને મળશે.

આ પણ વાંચો: Union Budget 2026: નાણાં મંત્રી નિર્મલા સીતારમણે બજેટ પહેલા રાષ્ટ્રપતિ દ્રૌપદી મુર્મૂ સાથે મુલાકાત કરી