Union Budget 2026: બજેટ રજૂ થાય તે પહેલાં સરકારને મળ્યા સારા સમાચાર, જાન્યુઆરીમાં GST કલેક્શન 6.2 ટકા વધીને 1.93 લાખ કરોડ થયું

બજેટ 2026 રજૂ થાય તે પહેલાં, સરકારને મહત્વપૂર્ણ સમાચાર મળ્યા છે. જાન્યુઆરીમાં દેશનો GST સંગ્રહ 6.2 ટકા વધીને 1.93 લાખ કરોડ થયો છે.

GST સંગ્રહ 1,93,384 કરોડ પર પહોંચ્યો

 સરકારે રવિવારે જાહેરાત કરી હતી કે જાન્યુઆરીમાં ભારતનો ગુડ્સ એન્ડ સર્વિસ ટેક્સ (GST) સંગ્રહ 1,93,384 કરોડ પર પહોંચ્યો છે, જે ગયા વર્ષના સમાન મહિનાની તુલનામાં 6.2% વધુ છે. આ વધારો મજબૂત સ્થાનિક પ્રવૃત્તિ અને આયાત આવકમાં સ્વસ્થ વૃદ્ધિને કારણે થયો છે. જાન્યુઆરી 2025માં કુલ GST સંગ્રહ 1,82,094 કરોડ હતો.

8.3% ની મજબૂત વાર્ષિક વૃદ્ધિ

વાર્ષિક ધોરણે, એપ્રિલ-જાન્યુઆરી 2025-26 માટે કુલ સંગ્રહ વધીને 18,43,423 કરોડ થયો છે, જે 8.3% ની મજબૂત વાર્ષિક વૃદ્ધિ દર્શાવે છે.

૬.૮% ની વૃદ્ધિ

જાન્યુઆરી માટે ચોખ્ખી GST આવક ₹1,70,719 કરોડ હતી, જે ગયા વર્ષના સમાન મહિનાની તુલનામાં 7.6% વધુ છે. વાર્ષિક ધોરણે ચોખ્ખી આવક ૧૫,૯૫,૭૫૨ કરોડ રૂપિયા થઈ, જે ૬.૮% ની વૃદ્ધિ દર્શાવે છે.

આ પણ વાંચો----     Gold Silver Price Today: બજેટ પહેલા સોના ચાંદીના ભાવ ધડામ, જાણી લો આજનો લેટેસ્ટ રેટ