- RBIની મોનેટરી પોલિસી કમિટીની બેઠક 6 ડિસેમ્બર શરૂ થશે
- RBIના ગવર્નર બેઠકમાં લેવાયેલા નિર્ણયોની જાહેરાત કરશે
- એક રિપોર્ટ અનુસાર પો રેટ 6.50 ટકા પર સ્થિર રહેશે
રિઝર્વ બેંક ઓફ ઈન્ડિયાની મોનેટરી પોલિસી કમિટીની બેઠક 6 ડિસેમ્બરથી શરૂ થઈ રહી છે. 8 ડિસેમ્બર, 2023ના રોજ, RBI ગવર્નર શક્તિકાંત દાસ MPCની બેઠકમાં લેવાયેલા નિર્ણયોની જાહેરાત કરશે જેમાં RBI ગવર્નર રેપો રેટ અંગે શું નિર્ણય લે છે તેના પર સૌની નજર રહેશે. દરમિયાન, જાહેર ક્ષેત્રની સૌથી મોટી સ્ટેટ બેંક ઓફ ઈન્ડિયાએ તેના અહેવાલમાં જણાવ્યું છે કે RBI તેના બેન્ચમાર્ક રેપો રેટમાં 2024-25ના બીજા ક્વાર્ટર પહેલા કોઈ ઘટાડો કરશે નહીં, જે હાલમાં 6.5 ટકા છે.
રેપો રેટ અંગે MPCની બેઠકમાં લેવાશે નિર્ણય
SBIના ગ્રુપ ચીફ ઈકોનોમિક એડવાઈઝર સૌમ્ય કાંતિ ઘોષે આ રિપોર્ટ તૈયાર કર્યો છે જેમાં કહેવામાં આવ્યું છે કે RBI 8 ડિસેમ્બર 2023ના રોજ રેપો રેટમાં કોઈ ફેરફાર નહીં કરે. રિપોર્ટમાં કહેવામાં આવ્યું છે કે રેપો રેટ 6.50 ટકા પર સ્થિર રહેશે અને જૂન 2024 પહેલા તેમાં કોઈ ફેરફાર થવાની સંભાવના નથી. રિપોર્ટમાં કહેવામાં આવ્યું છે કે 2023-24માં મોંઘવારી દર 5 ટકાથી નીચે જવાની શક્યતા ઓછી છે. આવી સ્થિતિમાં RBI તેના સ્ટેન્ડમાં કોઈ ફેરફાર નહીં કરે.
રેપો રેટ 4 ટકાથી વધારીને 6.50 ટકા
વાસ્તવમાં, મે 2022 પછીની છ MPC મીટિંગમાં, RBIએ રિટેલ ફુગાવાના દરમાં તીવ્ર વૃદ્ધિ પછી પોલિસી રેટ એટલે કે રેપો રેટમાં વધારો કર્યો હતો. રેપો રેટ 4 ટકાથી વધારીને 6.50 ટકા કરવામાં આવ્યો છે. જેના કારણે હોમ લોન સહિત દરેક પ્રકારની લોન મોંઘી થઈ ગઈ છે. જેથી જૂના ગ્રાહકોની EMI મોંઘી થઈ ગઈ છે.
રિટેલ ફુગાવાનો દર 5.4 ટકા રહેવાનો અંદાજ
નાણાકીય વર્ષ 2023-24માં અત્યાર સુધીની ચાર MPC બેઠકોમાં પોલિસી રેટમાં કોઈ ફેરફાર કરવામાં આવ્યો નથી. તે જ સમયે, ખાદ્યપદાર્થો અને ગેસના ભાવમાં ઘટાડાને કારણે, ગ્રાહક ભાવાંક ઓક્ટોબર 2023માં ઘટીને 4.87 ટકા પર આવી ગયો છે, જે જુલાઈમાં 7.44 ટકાના 15 મહિનાના ઉચ્ચ સ્તરે પહોંચ્યો હતો. આરબીઆઈએ 2023-24માં રિટેલ ફુગાવાનો દર 5.4 ટકા રહેવાની આગાહી કરી છે. જેમાં ત્રીજા ક્વાર્ટરમાં 5.6 ટકા અને જાન્યુઆરીથી માર્ચના ચોથા ક્વાર્ટરમાં 5.2 ટકા રહેવાનો અંદાજ છે.
