શેરબજારમાં તેજીની ધમધમાટ, સેન્સેક્સ 200 પોઇન્ટ ઉછળ્યો

• BSEનો સેન્સેક્સ 0.33 ટકા વધારો
  
• NSEનો નિફ્ટી 0.28 ટકા વધારો
• આજે માર્કેટ તેજી સાથે થયું ઓપન

ભારતીય શેરબજાર બીજા દિવસે એટલે કે મંગળવારે (5 ડિસેમ્બરે) શાનદાર તેજી સાથે ઓપન થયું હતું. આજના કારોબારમાં BSEનો સેન્સેક્સે લગભગ 224 પોઇન્ટના વધારા સાથે 69,089 પર ખુલ્યો હતો. NSEનો નિફટી 58 પોઈન્ટના વધારા સાથે 20,745 પર ખુલ્યો હતો.

કેવી રહી બજારની શરૂઆત

શેરબજારમાં આજે ફરી હરિયાળી જોવા મળી રહી છે અને શેરબજારમાં તેજીનો દોર જારી રહ્યો છે. નિફ્ટી ફરી ઐતિહાસિક સ્તરે ખુલ્યો છે અને બેન્ક નિફ્ટી 450 પોઈન્ટથી વધુના ઉછાળા સાથે ખુલ્યો છે. અદાણીના શેરો નિફ્ટીના ટોપ ગેનર્સમાં સામેલ છે, જેમાં BPCL, ICICI બેન્ક અને એક્સિસ બેન્ક, M&Mના નામ પણ સામેલ છે.

એશિયન માર્કેટમાં મિશ્ર વલણ

આજે સવારે એશિયન માર્કેટમાં મિશ્ર વલણ જોવા મળી રહ્યું છે. નિક્કી 1 ટકા લપસી ગયો. હેંગસેંગ, S&P/ASX 200 અને કોસ્પી 0.6 ટકા સુધી વધ્યા છે. શુક્રવારે, S&P 500 અને ડાઉ જોન્સ અનુક્રમે 0.59 ટકા અને 0.82 ટકા વધીને 2023ની નવી ઊંચી સપાટીએ પહોંચ્યા હતા. નાસ્ડેકમાં 0.55 ટકાનો વધારો નોંધાયો હતો.