- પીયૂષ ગોયલે કહી સ્ટાર્ટઅપને લઈને મોટી વાત
- દેશની અર્થવ્યવસ્થામાં વિકાસ થઈ રહ્યો છે
- ઉદ્યોગ સાહસિકો સાથે કરી દિલખોલીને વાત
કેન્દ્રીય વાણિજ્ય અને ઉદ્યોગ પ્રધાન પીયૂષ ગોયલે જણાવ્યું હતું કે, સરકાર દ્વારા માન્યતા પ્રાપ્ત સ્ટાર્ટઅપ્સની સંખ્યા 2016 માં 450 થી વધીને હાલમાં એક લાખથી વધુ થઈ ગઈ છે. અહીં ઉદ્યોગ સાહસિકોને સંબોધતા તેમણે વિશ્વાસ વ્યક્ત કર્યો કે ભારતની અર્થવ્યવસ્થા 2047 સુધીમાં ઝડપથી વૃદ્ધિ પામશે. વાણિજ્ય મંત્રીએ શનિવારે રાજધાની દિલ્હીમાં આયોજિત બિગ બિઝનેસના 'આંત્રપ્રિન્યોર્સ લૉન્ચપેડ' કાર્યક્રમને સંબોધિત કરતા કહ્યું.
ભારતની પ્રગતિમાં યોગદાન આપો
આ સંબોધનમાં, ગોયલે ભારતમાં વ્યાપાર કરવાની સરળતામાં સુધારો કરવા માટે સરકારની પ્રતિબદ્ધતાને પણ રેખાંકિત કરી હતી. જે વ્યવસાય શરૂ કરવા અને ચલાવવાનું સરળ બનાવે છે. ગોયલે કહ્યું કે ભારતની G-20 પ્રેસિડેન્સીએ દેશના વિકાસને વિશ્વ સમક્ષ દર્શાવવાની તક પૂરી પાડી છે. તેમણે ઝડપી વિકાસ માટે આતુર ભારતના યુવાનોના મહત્વાકાંક્ષી સ્વભાવનો સ્વીકાર કર્યો. વાણિજ્ય મંત્રીએ કહ્યું કે મોટા સપના જુઓ, ભારતની પ્રગતિમાં યોગદાન આપો.
ભારત સરકારની પહેલ
ભારત સરકારે સ્ટાર્ટઅપ ઈન્ડિયા પહેલ શરૂ કરી છે. આ પહેલનો ઉદ્દેશ સ્ટાર્ટઅપ્સના વિકાસને ટેકો આપવા અને ટકાવી રાખવાનો છે. દેશમાં માન્યતા પ્રાપ્ત સ્ટાર્ટઅપ્સની સંખ્યા 2016માં 450થી વધીને 2023માં એક લાખથી વધુ થઈ ગઈ છે. આ સ્ટાર્ટઅપ્સને ડિપાર્ટમેન્ટ ફોર પ્રમોશન ઓફ ઈન્ડસ્ટ્રી એન્ડ ઈન્ટરનલ ટ્રેડ (DPIIT) દ્વારા માન્યતા આપવામાં આવી છે. આમાંથી લગભગ અડધા સ્ટાર્ટઅપ્સ ટાયર 2 અને ટાયર 3 શહેરોના છે. આ વૃદ્ધિ માત્ર મેટ્રોપોલિટન શહેરો સુધી મર્યાદિત નથી પરંતુ ઉપ-શહેરી અને ગ્રામીણ વિસ્તારોમાં પણ જોવા મળી શકે છે.
