Harmanpreet કૌરે રચ્યો ઇતિહાસ, સૌથી વધુ મેચ રમનાર ખેલાડી બની

ભારતીય મહિલા ક્રિકેટ ટીમ હરમનપ્રીત કૌરની કેપ્ટનશીપ હેઠળ ઇંગ્લેન્ડ સામે ત્રીજી અને અંતિમ ટી20 આંતરરાષ્ટ્રીય મેચ હારી ગઈ હોવા છતાં,તેણે એક નવો વિશ્વ રેકોર્ડ બનાવ્યો છે.તેણી હવે ન્યુઝીલેન્ડની સુઝી બેટ્સને પાછળ છોડીને સૌથી વધુ આંતરરાષ્ટ્રીય મેચ રમનારી મહિલા ખેલાડી બની ગઈ છે.હરમનપ્રીત હવે સીધા ICC T20 વર્લ્ડકપ 2026માં રમશે જ્યાં ભારત પાકિસ્તાનનો સામનો કરશે.

હરમનપ્રીતે સુઝી બેટ્સને પાછળ છોડી

ભારતીય મહિલા ક્રિકેટ ટીમને ત્રીજા ટી20 આંતરરાષ્ટ્રીય મેચમાં ઇંગ્લેન્ડ સામે 6 વિકેટથી હારનો સામનો કરવો પડ્યો.જોકે,કેપ્ટન હરમનપ્રીત કૌરે મેદાનમાં ઉતરતાની સાથે જ ઇતિહાસ રચી દીધો.હવે તેણી ત્રણેય ફોર્મેટમાં સૌથી વધુ આંતરરાષ્ટ્રીય મેચ રમવાનો રેકોર્ડ ધરાવે છે.આ હરમનપ્રીતની 368મી મેચ હતી.અગાઉ,ન્યુઝીલેન્ડની સુઝી બેટ્સે 367 મેચ રમી હતી.હરમનપ્રીત કૌરે અત્યાર સુધીમાં સાત ટેસ્ટ મેચ,164 વનડે અને 164 ટી20 આંતરરાષ્ટ્રીય મેચ રમી છે.તે મિતાલી રાજને પાછળ છોડીને ભારત માટે સૌથી વધુ આંતરરાષ્ટ્રીય મેચ રમનારી ખેલાડી બની ગઈ છે.મિતાલી રાજે પોતાની કારકિર્દીમાં કુલ 333 આંતરરાષ્ટ્રીય મેચ રમી છે.

કૌરે 2009માં આંતરરાષ્ટ્રીય ક્રિકેટમાં ડેબ્યૂ કર્યું

હરમનપ્રીત કૌરે 2009માં પાકિસ્તાન સામે રમીને આંતરરાષ્ટ્રીય ક્રિકેટમાં પ્રવેશ કર્યો હતો.તે સમયે ટીમ ઈન્ડિયાની કેપ્ટનશીપ ઝુલન ગોસ્વામી કરી રહી હતી.જોકે કૌરે પહેલી મેચમાં બેટિંગ કરી ન હતી,પરંતુ ભારતે પાકિસ્તાનને હરાવી દીધું હતું.તેણીએ 10 નવેમ્બર 2009ના રોજ ઈંગ્લેન્ડ સામેની પોતાની શરૂઆતની મેચમાં આઠ રન બનાવ્યા હતા.તે વર્ષના અંતમાં,હરમનપ્રીતે તેની પહેલી T20 આંતરરાષ્ટ્રીય મેચ પણ રમી હતી.2014માં,કૌરે ટેસ્ટ ક્રિકેટમાં પ્રવેશ કર્યો.ત્યારથી તે ભારતીય ટીમનો ભાગ રહી છે.

કૌરની કારકિર્દી અત્યાર સુધી આ રીતે રહી

હરમનપ્રીતે પોતાની આંતરરાષ્ટ્રીય કારકિર્દીમાં સાત ટેસ્ટ રમી છે અને 230 રન બનાવ્યા છે.જેમાં એક અડધી સદીનો સમાવેશ થાય છે.કૌરે 164 વનડે રમી છે અને 4541 રન બનાવ્યા છે.હરમનપ્રીતે આ ફોર્મેટમાં સાત સદી અને 24 અડધી સદી ફટકારી છે.ટી20 આંતરરાષ્ટ્રીય મેચોમાં,હરમનપ્રીતે 197 મેચ રમી છે અને 4075 રન બનાવ્યા છે.

આ પણ વાંચો - IPL ફાઇનલમાં હાર બાદ શુભમન ગિલનું દર્દ છલકાયું, બે દિવસ બાદ તોડ્યું મૌન