IPL 2026ના સમાપન સાથે બધાની નજર હવે ભારત અને અફઘાનિસ્તાન વચ્ચેની આગામી ટેસ્ટ મેચ પર છે.બંને દેશો વચ્ચેની એકમાત્ર ટેસ્ટ મેચ 6 જૂનથી નવા ચંદીગઢના મહારાજા યાદવિન્દ્ર સિંહ આંતરરાષ્ટ્રીય ક્રિકેટ સ્ટેડિયમમાં રમાશે.ટીમ ઇન્ડિયા આ મેચ માટે સક્રિય રીતે તૈયારી કરી રહી છે.ભારતીય ટીમની તૈયારીઓનો પહેલો વીડિયો સામે આવ્યો છે.જેમાં તમે ભારતીય ક્રિકેટરોને T20 ગિયર બદલતા અને ટેસ્ટ ફોર્મેટ મોડમાં સ્વિચ કરતા જોઈ શકો છો.
ટીમ ઇન્ડિયાની પ્રેક્ટિસ દરમિયાન શું થયું?
BCCIએ અફઘાનિસ્તાન સામેની ટેસ્ટ માટે ટીમ ઇન્ડિયાની તૈયારીનો પહેલો વીડિયો શેર કર્યો છે. આ વીડિયો ટીમ ઇન્ડિયાની ફિલ્ડિંગ ડ્રીલ્સથી શરૂ થાય છે. ત્યારબાદ તેમાં બેટ્સમેનોને તેમની બેટિંગનો અભ્યાસ કરતા જોવા મળે છે. કેએલ રાહુલ કુલદીપ યાદવ અને અન્ય એક ભારતીય સ્પિનર સામે નેટ્સમાં પોતાની બેટિંગનું પરીક્ષણ કરતા જોઈ શકાય છે. રાહુલની સાથે, યશસ્વી જયસ્વાલ પણ લાલ બોલ માટે તૈયારી કરતા જોવા મળે છે. વિડિઓમાં ગૌતમ ગંભીર પણ છે, જે ભારતીય ખેલાડીઓની મહેનત પર નજર રાખતા જોવા મળે છે.
