ભારતીય ક્રિકેટ ટીમ બર્મિંગહામના એજબેસ્ટન ખાતે કટ્ટર હરીફ પાકિસ્તાન સામે ગ્રુપ 1 ની રોમાંચક મેચ સાથે મહિલા T20 વર્લ્ડ કપ 2026ના અભિયાનની આજથી શરૂઆત કરશે.ગયા વર્ષે ODI વર્લ્ડ કપ જીતીને ICC ટ્રોફીના લાંબા દુષ્કાળનો અંત લાવ્યા બાદ, ભારત હવે T20 વર્લ્ડ કપમાં તે ગતિને આગળ વધારવાનો પ્રયાસ કરશે. ટીમનો ઉદ્દેશ્ય તાજેતરના વર્ષોમાં મુખ્ય 20 ઓવરની ટુર્નામેન્ટમાં શ્રેણીબદ્ધ નિષ્ફળતાઓને દૂર કરવાનો છે.
બર્મિંગહામમાં ભારત-પાકિસ્તાનની ટક્કર
ભારત અને પાકિસ્તાનને મહિલા T20 વર્લ્ડ કપના ગ્રુપ 1 માં સ્થાન આપવામાં આવ્યું છે , જ્યાં બંને ટીમો એકબીજા સામે ટકરાઈને પોતાના અભિયાનની શરૂઆત કરશે. ભારત અને પાકિસ્તાનની મહિલા ટીમો વચ્ચેની આ મેચ રવિવાર, 14 જૂનના રોજ રમાશે અને આ મેચ માટે બર્મિંગહામનું એજબેસ્ટન સ્ટેડિયમ પસંદ કરવામાં આવ્યું છે. બર્મિંગહામ ભારત, પાકિસ્તાન અને દક્ષિણ એશિયાઈ દેશોના ઘણા ઈમિગ્રન્ટ્સનું ઘર છે, જેના કારણે આ મેચ ખૂબ જ લોકપ્રિય બની છે.
મહિલા T20 વર્લ્ડ કપનો સૌથી મોટો મુકાબલો
ખાસ કરીને ભારત સામે જીત મેળવવી, પાકિસ્તાન માટે એક મુખ્ય લક્ષ્ય હશે, જેમ કે મોટાભાગની પાકિસ્તાની ટીમો સાથે થાય છે. જોકે, એવું લાગે છે કે તેઓ હરમનપ્રીત કૌરની આગેવાની હેઠળની ODI વર્લ્ડ ચેમ્પિયન ભારતીય ટીમ સામે જીત મેળવી શકશે નહીં, કારણ કે ભારતીય ટીમ એજબેસ્ટનમાં મજબૂત રેકોર્ડ ધરાવે છે.
એજબેસ્ટન ખાતે બંને ટીમનો કેવો છે રેકોર્ડ?
પરંતુ સ્ટેડિયમ ભરાવા ઉપરાંત મેચ મેદાન પર સુપરહિટ પણ હોવી જોઈએ. આવું થશે કે નહીં તે 14 જૂને સાંજે 7 વાગ્યા પછી જ ખબર પડશે. કોણ જીતશે તે પણ ત્યારે જ ખબર પડશે. પરંતુ ઐતિહાસિક રીતે મેચ સંપૂર્ણપણે ટીમ ઈન્ડિયાના પક્ષમાં હોય તેવું લાગે છે. આ ફક્ત ભારત-પાકિસ્તાનના એકંદર રેકોર્ડને કારણે જ નહીં, પરંતુ એજબેસ્ટનમાં તેમના ઓવરઓલ પ્રદર્શનના ઈતિહાસને કારણે પણ છે.
ભારત: સ્મૃતિ મંધાના, શેફાલી વર્મા, જેમિમાહ રોડ્રિગ્સ, હરમનપ્રીત કૌર (કેપ્ટન), ભારતી ફુલમાલી, રિચા ઘોષ (વિકેટકીપર), દીપ્તિ શર્મા, શ્રેયંકા પાટીલ, ક્રાંતિ ગૌડ, રેણુકા સિંહ ઠાકુર, શ્રી ચરાણી, રાધા યાદવ, અરુંધતિ શર્મા રેડ્ડી, યાજિકા ભડ્ડી, યાજા.
પાકિસ્તાન: ગુલ ફિરોઝા, મુનીબા અલી (wk), સાયરા જબીન, આયેશા ઝફર, ઈરમ જાવેદ, ફાતિમા સના (c), આલિયા રિયાઝ, નતાલિયા પરવેઝ, ઈમાન ફાતિમા, ડાયના બેગ, નશરા સંધુ, રમીન શમીમ, સાદિયા ઈકબાલ, તુબા હસન, તસ્મિયા રુબાબ.
આ પણ વાંચો - IND Vs PAK મેચ પહેલા મોટો ઝટકો, કેપ્ટનના રમવા પર સસ્પેન્સ!
