રાજ્યમાં 31 ડિસેમ્બરની ઉજવણીને ધ્યાનમાં રાખીને સમગ્ર રાજ્યમાં સઘન ચેકિંગ હાથ ધરવામાં આવ્યું હતું. ખાસ કરીને બોર્ડર પાર કરીને આવતા લોકોના વાહન અને તેમનું ચેકિંગ કરવામાં આવ્યું હતું. જેમાં દીવમાંથી ગીર સોમનાથ આવતા લોકોનું ચેકિંગ કરવામાં આવ્યું હતું. આ દરમિયાન 132 કરતા વધુ લોકો પીધેલી હાલતમાં ઝડપાયા છે.
31 ડિસેમ્બરની ઉજવણીને ધ્યાનમાં રાખીને ઠેર ઠેર ચેંકિગ
ગીર સોમનાથ જિલ્લામાં પોલીસ દ્વારા 31 ડિસેમ્બરની ઉજવણીને ધ્યાનમાં રાખીને ઠેર ઠેર ચેંકિગ હાથ ધરવામાં આવ્યું હતું. આ ચેકિંગ દરમિયાન 132 લોકો દારૂ પીધેલી હાલતમાં મળી આવ્યા હતા. જ્યારે 83 લોકો ડ્રિંક એન્ડ ડ્રાઈવ કરતા ઝડપાયા છે. એટલે કે નશો કર્યા બાદ વાહન ચલાવવું. આ લોકો સંઘ પ્રદેશ દીવથી ગીર સોમનાથમાં પ્રવેશ કરતા હતા. જે દરમિયાન દારૂડિયાઓને ઝડપી લેવામાં આવ્યા છે. પોલીસે આ લોકોને ઝડપી વધુ કાર્યવાહી હાથ ધરી છે.
