જામનગર શહેરના અત્યંત વ્યસ્ત એવા શાક માર્કેટ વિસ્તારમાં આજે તે સમયે અફરાતફરી મચી ગઈ હતી, જ્યારે એક ઓટો રિક્ષામાંથી અજાણી મહિલાનો મૃતદેહ મળી આવ્યો હતો. ધોળે દિવસે ભીડભાડ વાળા વિસ્તારમાં રિક્ષામાં મૃતદેહ મળી આવતા સમગ્ર પંથકમાં ચકચાર જાગી છે અને આસપાસના લોકોના ટોળાં ઘટના સ્થળે ઉમટી પડ્યા હતા.
પોલીસનો કાફલો ઘટના સ્થળે દોડી આવ્યો
આ ઘટનાની જાણ થતા જ જામનગર સિટી 'એ' ડિવિઝન પોલીસ સ્ટેશનના પીઆઈ સહિતનો ઉચ્ચ પોલીસ કાફલો તાત્કાલિક સ્થળ પર પહોંચી ગયો હતો. પોલીસે રિક્ષાની આસપાસ કોર્ડન કરી તપાસ શરૂ કરી હતી. પ્રાથમિક તપાસમાં મહિલાની ઓળખ થઈ શકી નથી, જેથી પોલીસે આસપાસના વિસ્તારના લોકોની પૂછપરછ હાથ ધરી છે.
