વિશ્વની સૌથી મોટી રિફાઇનરી પૈકીની એક એવી જામનગરની રિલાયન્સ રિફાઇનરીમાં સંભવિત આતંકવાદી હુમલાની સ્થિતિને પહોંચી વળવા માટે એક ભવ્ય મોકડ્રીલનું આયોજન કરવામાં આવ્યું હતું. જામનગર જિલ્લા કલેક્ટરના સીધા માર્ગદર્શન હેઠળ યોજાયેલી આ કવાયતમાં દેશની ટોચની સુરક્ષા એજન્સીઓએ ભાગ લઈ પોતાની સજ્જતાનું સફળ પ્રદર્શન કર્યું હતું.
રિલાયન્સના સહયોગથી NSGની કવાયત
આ મોકડ્રીલમાં વિવિધ એજન્સીઓ વચ્ચે અદ્ભુત સંકલન જોવા મળ્યું હતું, દેશના આભૂષણ સમાન NSG (નેશનલ સિક્યુરિટી ગાર્ડ) અને ગુજરાતના સ્પેશિયલ ચેતક કમાન્ડોએ સંયુક્ત રીતે ઓપરેશન પાર પાડ્યું હતું. રિફાઇનરીની સુરક્ષા સંભાળતી CISF અને જામનગરની ક્વિક રિસ્પોન્સ ટીમ (QRT) પણ આ મોકડ્રીલમાં જોડાઈ હતી. રિલાયન્સના આંતરિક સુરક્ષા માળખા અને જિલ્લા વહીવટી તંત્રના વિવિધ વિભાગોએ સાથે મળીને બચાવ કામગીરીનું પ્રદર્શન કર્યું હતું.
