સુરતના ઉધના વિસ્તારમાં આવેલા એક પ્લાસ્ટિક સ્ક્રેપના ગોડાઉનમાં લાગેલી ભયાનક આગ અને બ્લાસ્ટની ઘટનામાં હવે કાયદાકીય શિકંજો કસાયો છે. 23 જાન્યુઆરીના રોજ બનેલી આ કરુણ દુર્ઘટનામાં કુલ 4 કામદારોના મોત બાદ ઉધના પોલીસે તપાસ તેજ કરી હતી અને ગંભીર બેદરકારી બદલ બે આરોપીઓની અટકાયત કરી છે.
ગોડાઉનમાં બ્લાસ્ટ સાથે લાગી હતી આગ
ઉધનામાં આવેલા પ્લાસ્ટિકના કારખાનામાં ગત 23 જાન્યુઆરીએ અચાનક આગ ફાટી નીકળી હતી. આ આગ એટલી વિકરાળ હતી કે ગોડાઉનમાં જોરદાર બ્લાસ્ટ પણ થયો હતો. આ દુર્ઘટના સમયે કામ કરી રહેલા 5 કામદારો ગંભીર રીતે દાઝી ગયા હતા. તમામને તાત્કાલિક ખાનગી હોસ્પિટલમાં સારવાર અર્થે ખસેડવામાં આવ્યા હતા.
