વડોદરાના કોયલી વિસ્તારમાં નશાખોર વાહનચાલકની બેદરકારીના કારણે અકસ્માત સર્જાયો હોવાની ઘટના સામે આવી છે. દારૂના નશામાં ચકચૂર એક કાર ચાલકે રસ્તા પર જઈ રહેલી અન્ય એક કારને જોરદાર ટક્કર મારતા અફરાતફરી મચી જવા પામી હતી. સદનસીબે આ અકસ્માતમાં કોઈ જાનહાનિ થઈ નથી.
નશાની હાલતમાં કાર પરથી કાબૂ ગુમાવ્યો
ઘટનાની મળતી માહિતી અનુસાર, વડોદરા જિલ્લાના કોયલી ગામ પાસેના માર્ગ પર એક કાર ચાલક પૂરપાટ ઝડપે અને નશાની હાલતમાં વાહન હંકારી રહ્યો હતો. નશામાં ભાન ભૂલેલા ચાલકે અચાનક સ્ટીયરિંગ પરથી કાબૂ ગુમાવ્યો હતો અને સામેથી કે બાજુમાંથી પસાર થતી અન્ય એક કારને અડફેટે લીધી હતી. અકસ્માતને પગલે બંને વાહનોને નુકસાન પહોંચ્યું હતું.
