'માફ કરજો અમે...' ઐશ્વર્યા સાથે છૂટાછેડાની ચર્ચાઓ પર અભિષેક બચ્ચને તોડ્યું મૌન

બોલીવુડ એક્ટર અભિષેક બચ્ચન અને ઐશ્વર્યા રાય વચ્ચે છૂટાછેડાની ચર્ચાઓ છેલ્લા ઘણા મહિનાઓથી ચર્ચામાં છે. કેટલાક મીડિયા રિપોર્ટ્સમાં એવો પણ દાવો કરવામાં આવ્યો હતો કે બંને અલગ થઈ ગયા છે.

તમને જણાવી દઈએ કે અનંત અંબાણી અને રાધિકા મર્ચન્ટના લગ્ન દરમિયાન અભિષેક અને ઐશ્વર્યાના અલગ થવાની અટકળો શરૂ થઈ હતી. આ દરમિયાન અભિષેકનો એક જૂનો વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં એક્ટર છૂટાછેડાની અટકળો પર પોતાનું મૌન તોડી રહ્યો છે.

ઐશ્વર્યા રાય સાથે છૂટાછેડાની ચર્ચાઓ પર અભિષેક બચ્ચને આપી પ્રતિક્રિયા

અભિષેક બચ્ચનનો એક જૂનો વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયો વર્ષ 2016નો છે. એક ઈન્ટરવ્યુ દરમિયાન જ્યારે અભિષેક બચ્ચનને ઐશ્વર્યા સાથે છૂટાછેડા વિશે પૂછવામાં આવ્યું ત્યારે એક્ટરે કહ્યું હતું કે, 'મારે તમને આ વિશે કંઈ કહેવું નથી. દુ:ખની વાત એ છે કે તમે બધાએ આખી વાત વધારી-ઘટાડીને બહાર ઉડાવી દીધી છે. હું સમજું છું કે તમે આ કેમ કરો છો કારણ કે તમારે કેટલીક સ્ટોરી ફાઈલ કરવાની છે. પરંતુ કોઈ વાંધો નહીં, આપણે સેલિબ્રિટી છીએ અને આપણે તેને લેવું પડશે. માફ કરશો, અમે હજુ પરિણીત છે, તમારા માટે કોઈ સેંસેશનલ સમાચાર નથી.

https://www.instagram.com/reel/C-nLqzVv5_C/?utm_source=ig_embed&ig_rid=5dac9514-668b-4b85-a6a1-6bad00dcc786 

2007માં અભિષેક અને ઐશ્વર્યાએ કર્યા હતા લગ્ન

અભિષેક અને ઐશ્વર્યાના લગ્ન 20 એપ્રિલ 2007ના રોજ થયા હતા. જે બાદ બંનેએ 2011માં દીકરી આરાધ્યાનું સ્વાગત કર્યું હતું. અભિષેક અને ઐશ્વર્યાએ 'ઉમરાવ જાન', 'ગુરુ', 'કુછ ના કહો' અને 'રાવણ' જેવી ફિલ્મોમાં સાથે કામ કર્યું છે. તે 'ફન્ને ખાન'માં અનિલ કપૂર અને રાજકુમાર રાવ સાથે જોવા મળી હતી. ઐશ્વર્યા રાય બચ્ચન છેલ્લે મણિરત્નમની ફિલ્મ 'પોન્નીયિન સેલવાન'માં જોવા મળી હતી. આ વીડિયો સોશિયલ મીડિયા પર વાયરલ થઈ રહ્યો છે અને વાયરલ વીડિયોને આધારે આ સમાચાર લખવામાં આવ્યા છે. સંદેશ ન્યૂઝ આ વીડિયોની પુષ્ટિ કરતું નથી.