Aishwarya Rai બચ્ચનનું થયું એક્સિડન્ટ ! જાણો સમાચાર પાછળનું સત્ય

બોલિવૂડ અભિનેત્રી ઐશ્વર્યા રાયનો એક નાનકડો અકસ્માત થયો છે. મુંબઈમાં 26 માર્ચે સાંજે આ અકસ્માત થયો હતો. કહેવામાં આવી રહ્યું છે કે ઐશ્વર્યાની કારને પાછળથી ટક્કર મારી હતી. સુત્રો પાસેથી મળતી માહિતી પ્રમાણે એક્ટ્રેસને કોઈ ઈજા પહોંચી નથી. કોઈ મોટો અકસ્માત થયો નથી.

એશ્વર્યાનું એક્સિડન્ટ ફક્ત અફવા

તમને જણાવી દઈએ કે ઐશ્વર્યાની કાર અને બસ વચ્ચેની ટક્કરનો વીડિયો પાપારાઝીના સોશિયલ મીડિયા એકાઉન્ટ પર શેર કરવામાં આવ્યો હતો, જેના પછી ફેન્સ નારાજ થઈ ગયા હતા. ઐશ્વર્યા ઠીક છે કે નહીં તેની ચિંતા થવા લાગી. વીડિયો ક્લિપમાં જોઈ શકાય છે કે બસ ઐશ્વર્યાની કારના પાછળના ભાગે અથડાઈ હતી. તેમની સુરક્ષા ટીમ તરત જ કારમાંથી નીચે ઉતરી અને પરિસ્થિતિ જોઈ.

એવું પણ કહેવામાં આવી રહ્યું છે કે કારમાં કોઈ ડેન્ટ નથી. બસ ડ્રાઈવર સાથે વાત કર્યા બાદ વાહન આગળ વધ્યું અને બસ પણ તેના સ્થાને રવાના થઈ. 

ઐશ્વર્યા મોટાભાગે ઈવેન્ટ્સ અને ફેશન શોમાં જોવા મળે છે. આ સિવાય જ્યારે પણ તે મુંબઈમાં ઘરની બહાર નીકળે છે ત્યારે કોઈ તેને જોઈ શકતું નથી. ઐશ્વર્યા સોશિયલ મીડિયા પર પણ ઘણી ઓછી એક્ટિવ રહે છે. તે ફક્ત જન્મદિવસ અને વર્ષગાંઠની પોસ્ટ જ શેર કરે છે. આ સિવાય તે પેરિસ ફેશન વીકને લઈને કેટલીક પોસ્ટ પણ શેર કરતી જોવા મળે છે.