- રણબીર કપૂર સાથે ઇન્ટિમેટ સીન કરવા માટે ઘણી ચર્ચાઓમાં રહી તૃપ્તિ ડિમરી
- ફિલ્મ ‘એનિમલ’ બોક્સ ઓફિસ પર જોરદાર છવાઇ
- “અમે ક્યારેય ફિલ્મોમાં આવું કંઈ જોયું નથી”
રણબીર કપૂરની ફિલ્મ ‘એનિમલ’ બોક્સ ઓફિસ પર જોરદાર કમાણી કરી રહી છે. ચાહકોને ફિલ્મ ઘણી પસંદ આવી રહી છે. દરમિયાન, તૃપ્તિ ડિમરી એનિમલમાં રણબીર કપૂર સાથે ઇન્ટિમેટ સીન કરવા માટે ઘણી ચર્ચાઓમાં રહી છે. અભિનેત્રીનો સ્ક્રીન ટાઇમ ભલે ઓછો રહ્યો હોય પરંતુ તેણે ચાહકોનું ઘણું ધ્યાન ખેંચ્યું છે. તૃપ્તિ ડિમરી નેશનલ ક્રશ તરીકે ઉભરી આવી છે.
સોશિયલ મીડિયા પર છવાઇ તૃપ્તિ ડિમરી
ફિલ્મ એનિમલ બાદ તૃપ્તિ ડિમરીની ફેન ફોલોઈંગ વધી ગઈ છે. સોશિયલ મીડિયા પર પણ અભિનેત્રીના ફોલોઅર્સ સતત વધી રહ્યા છે. હવે તાજેતરમાં, એક ઇન્ટરવ્યુ દરમિયાન અભિનેત્રીએ જણાવ્યું હતું કે જ્યારે તેણે એનિમલ ફિલ્મમાં ઇન્ટિમેટ સીન કર્યા ત્યારે તેના માતા-પિતાએ કેવી પ્રતિક્રિયા આપી હતી. તેણે એ પણ જણાવ્યું કે જ્યારે તેણે તેના દ્રશ્યો જોયા ત્યારે તેના માતાપિતાને કેવું લાગ્યું અને તેઓએ શું કહ્યું.
મારા માતા-પિતા શોક થયા
તૃપ્તિ ડિમરીએ કહ્યું કે, આ દ્રશ્ય જોઈને મારા માતા-પિતા થોડા આશ્ચર્યચકિત થઈ ગયા હતા. તેમને આ વાત સ્વીકારવામાં થોડો સમય લાગ્યો. આ પછી તેણે કહ્યું કે અમે ક્યારેય ફિલ્મોમાં આવું કંઈ જોયું નથી અને તે આ કર્યું છે. અભિનેત્રીએ વધુમાં કહ્યું કે આ સીન જોયા બાદ તેને સામાન્ય થવામાં થોડો સમય લાગ્યો હતો.
“તારે આ સીન ના કરવો જોઇએ”
તૃપ્તિ ડિમરીએ વધુમાં કહ્યું, 'મારા માતા-પિતાનુ પહેલુ રિએક્શન એવું હતું કે જાણે મારે આ સીન ન કરવો જોઈએ. તેમણે મને કહ્યું કે તારે આ બધું ન કરવું જોઈતું હતું, પણ તે ઠીક છે. માતાપિતા તરીકે, અમે આ સ્પષ્ટપણે અનુભવી શકીએ છીએ. જ્યારે મેં તેને કહ્યું હતું કે અભિનેત્રી હોવાના નાતે મેં આમાં કંઈ ખોટું કર્યું નથી.
આ રીતે માતા-પિતાને સમજાવ્યા
તૃપ્તીએ વધુમાં જણાવ્યું કે તેણે આ સીન માટે તેના માતા-પિતાને કેવી રીતે સમજાવ્યા હતા. અભિનેત્રીએ કહ્યું, 'આ મારૂં કામ છે અને જ્યાં સુધી હું કમ્ફર્ટેબલ અને સલામત છું ત્યાં સુધી મને તેમાં કોઈ સમસ્યા દેખાતી નથી. હું એક અભિનેત્રી છું અને હું જે પાત્ર ભજવું છું તેના માટે મારે 100 ટકા પ્રમાણિક હોવું જરૂરી છે અને મેં તે જ કર્યું છે. જ્યારે હું આ સીન શૂટ કરી રહી હતી ત્યારે મને વારંવાર પૂછવામાં આવી રહ્યું હતું.
સીન શૂટ કરતા સમયે સેટ પર માત્ર 4 લોકો હતા હાજર
તૃપ્તિ ડિમરીએ અગાઉ એક ઈન્ટરવ્યુ દરમિયાન જણાવ્યું હતું કે તેણે આ સીન કેવી રીતે શૂટ કર્યો હતો. અભિનેત્રીએ કહ્યું, 'સેટ પર માત્ર 4 લોકો જ હાજર હતા. જેમાં હું, રણબીર, સંદીપ સર અને કેમેરામેન હતા. જ્યારે સીન શૂટ થઈ રહ્યો હતો ત્યારે રણબીર મને વારંવાર પૂછી રહ્યો હતો કે શું હું ઠીક છું? હું તે સીનને શૂટ કરવામાં જરાય અસ્વસ્થતા અનુભવતી ન હતી.
