- અર્જુન-મલાઈકાના બ્રેકઅપ વચ્ચે હવે અંશુલાની પોસ્ટ વાયરલ થઈ
- અર્જુનની બહેને પોતાના ભાઈને અભિનંદન આપતી પોસ્ટ કરી
- પોસ્ટમાં લખેલી વાતોથી ફેન્સે અનુમાન લગાવ્યું કે અર્જુન નિરાશ થઈ ગયો છે
અર્જુન કપૂર આજે પોતાનો 39મો જન્મદિવસ ઉજવી રહ્યો છે. એક્ટરના ઘરે મોડી રાત્રે પરિવાર અને ખાસ મિત્રો એક્ટરને તેના જન્મદિવસની શુભેચ્છા આપવા આવ્યા હતા. પરંતુ આ દરમિયાન અર્જુનના લેડી લવની ગેરહાજરીથી ફેન્સ એટલા દુખી હતા કે લોકો વિચારવા લાગ્યા કે અર્જુન અને મલાઈકા અરોરાનું બ્રેકઅપ થઈ ગયું છે. તેમના બ્રેકઅપના સમાચાર છેલ્લા ઘણા સમયથી ચર્ચામાં છે. હાલમાં એક્ટરની બહેનની પોસ્ટ હવે આગમાં ઘી ઉમેરી રહી છે.
અર્જુન અને મલાઈકાનું બ્રેકઅપ?
અંશુલા કપૂરે થોડા સમય પહેલા તેના ભાઈ અર્જુન કપૂરને જન્મદિવસની શુભેચ્છા આપતા એક ખાસ પોસ્ટ શેર કરી હતી. આ પોસ્ટમાં તેણે કેટલીક એવી વાતો લખી છે જે અર્જુન અને મલાઈકાના બ્રેકઅપ સાથે જોડાયેલી છે. એવું પણ કહી શકાય કે અર્જુન અને મલાઈકાના બ્રેકઅપને લઈને અંશુલા કપૂરની પોસ્ટ હવે સોશિયલ મીડિયા પર આગ લગાવી રહી છે. તમને જણાવી દઈએ કે અંશુલાએ આ પોસ્ટમાં શું લખ્યું છે? અંશુલાએ તેની અને અર્જુનની બાળપણથી લઈને અત્યાર સુધીની સફર તસવીરો શેર કરી છે.
અંશુલાએ આપ્યો બ્રેકઅપનો સંકેત?
બધા હેપ્પી મોમેન્ટ શેક કરતી વખતે અંશુલાએ ગઈ રાતનો સેલિબ્રેશનનો વીડિયો પણ શેર કર્યો. આ સાથે તેણે એક લાંબી પોસ્ટ પણ લખી છે. એક્ટરની બહેને લખ્યું, 'હેપ્પી બર્થડે મારો નંબર વન. મારો પહેલો બુલી, મારો પહેલો રેસલિંગ પાર્ટનર, મારો સૌથી મોટો ચીયરલીડર, મારા બધા સપના પૂરા કરનાર, સૌથી મોટા દિલવાળો માણસ. આ વર્ષે તમારા માટે મારી પ્રાર્થના છે કે તમે તમારી પોતાના પર અને તમારી ક્ષમતાઓ પર વિશ્વાસ કરો અને ફરી ઉભા થાવો. તમારી ચિંતાઓ ઓછી થાય, તમારું હાસ્ય વધુ તેજસ્વી બને, તમારું સ્મિત મોટું થાય અને તમારે ક્યારેય તમારી ક્ષમતા કરતા વધારે બોજ ન ઉઠાવવો પડે.
અંશુલા તેના ભાઈ માટે શુભેચ્છા પાઠવતી જોવા મળી
અંશુલાએ આગળ લખ્યું, 'હું આશા રાખું છું કે તમારી અંદરની આગ ક્યારેય બુઝાશે નહીં પરંતુ તમને આગળ વધતી રહેવાની તાકાત આપશે. દયાળુ વ્યક્તિ બનવાનો અર્થ શું છે તેનું ઉદાહરણ આપવા બદલ આભાર. તમે મને જે રીતે પ્રેમ કરો છો તે બદલ આભાર. મને હંમેશા મારા સપના પૂરા કરવા માટે પરમિશન આપવા માટે, મને સાથ આપવા માટે અને મને બચાવવા માટે તમારો આભાર. તમે બધું સારું ડિઝર્વ કરો છો.’
