- અયોધ્યામાં 7-સ્ટાર મિક્સ્ડ-યુઝ એન્ક્લેવ ધ સરયૂમાં ખરીદ્યો પ્લોટ
- બીગ બીએ લગભગ 10,000 ચોરસ ફૂટનો પ્લોટ લીધો
- સરયૂ પ્રોજેક્ટ 51 એકરમાં ફેલાયેલો છે
બોલિવૂડ સ્ટાર અમિતાભ બચ્ચને મુંબઈ સ્થિત ડેવલપર ધ હાઉસ ઓફ અભિનંદન લોઢા (HoABL) દ્વારા અયોધ્યામાં 7-સ્ટાર મિક્સ્ડ-યુઝ એન્ક્લેવ ધ સરયૂમાં એક પ્લોટ ખરીદ્યો છે. જ્યારે HoABL એ ક્લાયન્ટની ગોપનીયતાને ટાંકીને સોદાના કદ અને મૂલ્ય પર ટિપ્પણી કરવાનો ઇનકાર કર્યો હતો, રિયલ એસ્ટેટ ઉદ્યોગના સૂત્રોએ જણાવ્યું હતું કે બચ્ચન જે પ્લોટ પર ઘર બાંધવાનો ઇરાદો ધરાવે છે તે લગભગ 10,000 ચોરસ ફૂટનો છે અને તેની કિંમત રૂ.14.5 કરોડની છે.
14.5 કરોડનો પ્લોટ ખરીદ્યો
રામ મંદિર 'પ્રાણ પ્રતિષ્ઠા' સમારોહ પહેલા અમિતાભ બચ્ચને અયોધ્યામાં ઘર બનાવવા માટે 14.5 કરોડ રૂપિયાનો પ્લોટ ખરીદ્યો છે. મીડિયા રિપોર્ટ્સ અનુસાર, અમિતાભ બચ્ચને મુંબઈ સ્થિત ડેવલપર ધ હાઉસ ઓફ અભિનંદન લોઢાના 7 સ્ટાર એન્ક્લેવ ધ સરયૂમાં એક પ્લોટ ખરીદ્યો હતો. હાઉસ ઓફ અભિનંદન લોઢાએ અમિતાભ બચ્ચન વચ્ચેની લેવડ-દેવડથી પરિચિત લોકોને ટાંકીને મીડિયા અહેવાલમાં માહિતી આપી છે કે બચ્ચન અંદાજે 10,000 ચોરસ ફૂટનું ઘર બનાવશે અને તેની કિંમત 14.5 કરોડ રૂપિયા છે. 22 જાન્યુઆરીએ પ્રોજેક્ટ સરયૂનું ઉદ્ઘાટન થવા જઈ રહ્યું છે, તે જ દિવસે રામ મંદિર 'પ્રાણ પ્રતિષ્ઠા' સમારોહ યોજાશે. વડાપ્રધાન નરેન્દ્ર મોદી અયોધ્યામાં શ્રી રામ જન્મભૂમિ મંદિરનું ઉદ્ઘાટન કરશે. સરયૂ પ્રોજેક્ટ 51 એકરમાં ફેલાયેલો છે. અમિતાભ બચ્ચનનો જન્મ અલ્હાબાદમાં થયો હતો.
પ્રોજેક્ટથી 15 મિનિટના અંતરે મંદિર
મીડિયા રિપોર્ટ્સ અનુસાર, આ પ્રોજેક્ટમાં પોતાના રોકાણ વિશે બોલતા અમિતાભ બચ્ચને કહ્યું કે અયોધ્યા એક એવું શહેર છે જે મારા હૃદયમાં વિશેષ સ્થાન ધરાવે છે. બીજી બાજુ, HOABL પ્રમુખ અભિનંદન લોઢાએ કહ્યું કે તેઓ બચ્ચનને સરયૂના "પ્રથમ નાગરિક" તરીકે આવકારે છે. આ પ્રોજેક્ટ રામ મંદિરથી લગભગ 15 મિનિટ અને ઈન્ટરનેશનલ એરપોર્ટથી 30 મિનિટ દૂર છે. આ એન્ક્લેવમાં બ્રુકફિલ્ડ ગ્રૂપના લીલા પેલેસ, હોટેલ્સ અને રિસોર્ટ્સની ભાગીદારીમાં ફાઇવ સ્ટાર પેલેસ હોટેલ પણ હશે. આ પ્રોજેક્ટ માર્ચ 2028 સુધીમાં પૂર્ણ થવાનો છે
રિયલ એસ્ટેટના ભાવ સતત વધી રહ્યા છે
2019થી અયોધ્યામાં ઈન્ફ્રાસ્ટ્રક્ચર પર મોટા પાયે કામ ચાલી રહ્યું છે. જ્યારે સુપ્રીમ કોર્ટે બાબરી મસ્જિદની જગ્યાનો માલિકી હક્ક હિન્દુઓને આપ્યો હતો. ત્યારથી, શહેરની અંદર અને તેની બહાર, લખનૌ અને ગોરખપુરમાં જમીનના ભાવ વધ્યા છે. મળતી માહિતી મુજબ અયોધ્યામાં જ રિયલ એસ્ટેટના ભાવમાં 50 ટકાથી વધુનો વધારો થયો છે. ટાટા ગ્રૂપ ઉપરાંત અન્ય મોટા જૂથો પણ અયોધ્યામાં રોકાણ કરી રહ્યા છે. જે અંતર્ગત શહેરમાં હોટલથી લઈને અન્ય સુવિધાઓ ઉપલબ્ધ કરાવવામાં આવશે.
