- 'બિગ બોસ 17'માં અંકિતા-વિકીનો વારંવાર ઝઘડો
- મીડિયાએ અંકિતાના પરિવારને તોડવાનો પૂરો પ્રયાસ કર્યો:કંગના
- મારી મિત્ર અંકિતા લોખંડે જીતશે પરંતુ તેના લગ્નની કિંમત પર નહીં:કંગના
સલમાન ખાનનો સૌથી વિવાદાસ્પદ રિયાલિટી શો 'બિગ બોસ 17' આ દિવસોમાં ચર્ચામાં છે. હવે શોના ફિનાલેમાં થોડા જ દિવસો બાકી છે. આ શો દરરોજ વધુ રસપ્રદ બની રહ્યો છે. આ સીઝનમાં ફેમસ ટીવી કપલ અંકિતા લોખંડે અને વિકી જૈન જોવા મળી રહ્યા છે. દર્શકોને આ જોડીની વિવાદ-મસ્તી પસંદ આવી રહી છે પરંતુ ક્યાંકને ક્યાંક આ કપલે શોમાં તેમના સંબંધોને થોડા બગાડ્યા છે.
અંકિતા-વિકીનો ઝઘડો
શોમાં દરરોજ બંને વચ્ચે ઝઘડા જોવા મળે છે. અંકિતા લોખંડે ઘણી વખત છૂટાછેડાની વાત પણ કરી ચૂકી છે. બંને વચ્ચેની લડાઈ જોઈને બહારની દુનિયામાં અનેક પ્રકારની વાતો થવા લાગી હતી. શોમાં ફેમિલી વીક શરૂ થઈ ગયું છે. હાલમાં જ અંકિતા અને વિકીની માતાએ શોમાં એન્ટ્રી કરી છે જેમના જવાથી શોનું વાતાવરણ બદલાઈ ગયું છે.
આ દરમિયાન ઘણા વીડિયો સોશિયલ મીડિયા પર વાયરલ થઈ રહ્યા છે. જેમાં વિક્કીની માતાએ અંકિતાને વાતચીતમાં ઘણું કહી દીધું છે. શોમાંથી બહાર આવ્યા બાદ અભિનેત્રીની સાસુના વહુને લઈને ફરી સૂર બદલાઈ ગયો છે. આ ઉપરાંત તેમણે સમર્થ વિશે પણ ઘણું કહ્યું હતું. હવે બોલિવૂડ અભિનેત્રી કંગના રનૌતે અંકિતાના સાસુનો વીડિયો શેર કરીને અભિનેત્રીને સમર્થન આપ્યું છે. તેણે લખ્યું હતું કે તે ઈચ્છે છે કે તેની મિત્ર અંકિતા શો જીતે.
કંગનાએ અંકિતાને કર્યો સપોર્ટ
હકીકતમાં કંગના રનૌતે તેની ઇન્સ્ટાગ્રામ સ્ટોરી પર વિકી જૈનની માતાનો વિડિયો શેર કરતા લખ્યું હતું કે, 'મીડિયા અંકિતાના પરિવારને તોડવાનો પૂરો પ્રયાસ કરી રહ્યું છે. તેઓ તમને બતાવશે નહીં કે અંકિતા લોખંડેના સાસુ તેને કેવી રીતે સપોર્ટ કરે છે. વિડિયોના અંતે તે જે રીતે હસી હતી...હા હા હા આંટી ખૂબ જ મીઠી છે યાર. ઘણા રિયાલિટી શો આવે છે અને જાય છે પરંતુ પરિવાર હંમેશા સાથે રહે છે. મને આશા છે કે મારી મિત્ર અંકિતા લોખંડે જીતશે પરંતુ તેના લગ્નની કિંમત પર નહીં.
વીડિયોમાં અંકિતાના સાસુએ શું કહ્યું?
વહુ બહુ સરસ છે પણ અત્યારે એની ભલાઈ દેખાતી નથી. 'હું એ સમજાવીને આવી છું કે,બેટા બાકી રહેલા થોડા દિવસોમાં ભલાઈનું મૂર્ત સ્વરૂપ બતાવે. હવે જોઈએ છીએ કે તે શું કરે છે. આ લોકો ચહેરા લાવે છે જેમકે કલર્સનો કોઈ શો આવે તો અંકિતા કામ પર આવશે વિકી ભાગ્યે જ આવી શકશે તે બિઝનેસમેન છે. તે સિનિયર પણ છે અને 17 વર્ષથી કામ કરે છે. તો ધ્યાન રાખવું જોઈને. તમે કોઈ નાના લોકોને આ જીતવા દો તો શું થશે? તે જ પોતાનો શો બગાડશે. હવે શું સમર્થ વગેરે આ લાયક છે? શું તેમનું ચરિત્ર છે ના કોઈ ઓળખાણ કંઈ નથી. કેટલાક સારા માણસોએ પણ આમાં આવવું જોઈએ... પછી આવું થાય છે.
