બિગ બોસ 17ના વિજેતાનું નામ લીક!અંકિતા લોખંડે નહીં પરંતુ આ સ્પર્ધક બનશે

• વિવાદાસ્પદ ટીવી શો બિગ બોસ 17માં ભારે ધમાલ
  
• શોના વિજેતાનું નામ સોશિયલ મીડિયા પર લીક થયું
• વિજેતા અંકિતા લોખંડે, વિકી જૈન કે મન્નરા ચોપરા નહીં પરંતુ મુનાવર ફારુકી હશે

વિવાદાસ્પદ ટીવી શો બિગ બોસ 17માં ભારે ધમાલ જોવા મળ્યો છે. આ શો પોતાના અંતિમ તબક્કાની નજીક પહોંચી ગયો છે. આવી સ્થિતિમાં આ સિઝનમાં કોણ વિજેતા બનશે તે જાણવા માટે દરેક આતુર છે. આ દરમિયાન શોના વિજેતાનું નામ સોશિયલ મીડિયા પર લીક થઈ ગયું છે. આ પછી બધા તેને અભિનંદન આપવા લાગ્યા છે.

બિગ બોસ 17ના વિજેતાનું નામ સેટ પરથી લીક!

હાલમાં દરેક સ્પર્ધક શોમાં પોતાની તાકાત બતાવતા જોવા મળે છે. દરેકને શોની ટ્રોફી જીતવી છે પરંતુ આ શોનો વિજેતા કોણ હશે તે તો જનતા જ નક્કી કરશે. પરંતુ આ દરમિયાન જનતાનો નિર્ણય જાહેર થઈ ચૂક્યો છે. હકીકતમાં બિગ બોસ ફેન પેજ ખબરીએ એક ટ્વીટ કર્યું છે જે મુજબ બિગ બોસ 17ની વિજેતા અંકિતા લોખંડે, વિકી જૈન કે મન્નરા ચોપરા નહીં પરંતુ મુનાવર ફારુકી હશે.

ટ્વીટમાં લખ્યું છે કે, શોના આંતરિક સ્ત્રોતે પુષ્ટિ કરી છે કે મુનાવર ફારુકી 28 જાન્યુઆરીએ બિગ બોસ 17ની ટ્રોફી ઉઠાવવા જઈ રહ્યો છે. હવે આ ટ્વીટ બાદ મુનવ્વરના ચાહકો ખુશીથી ઉછળી રહ્યા છે અને તેને પહેલાથી જ ઘણા બધા અભિનંદન મળી રહ્યા છે.

બિગ બોસ 17નો ગ્રાન્ડ ફિનાલે 28 જાન્યુઆરીએ યોજાશે

હવે આ ટ્વીટમાં કેટલું સત્ય છે તે તો 28 જાન્યુઆરીએ શોના ગ્રાન્ડ ફિનાલેમાં જ ખબર પડશે. હાલમાં શોમાં ફેમિલી વીક શરૂ થયું છે. અત્યાર સુધી વિકી જૈનની માતા અને અંકિતા લોખંડેની માતા શોમાં આવી ચૂકી છે. તે જ સમયે, મુનવ્વરની બહેન પણ શોમાં આવવાની છે જ્યારે અરુણ મશેટ્ટીની પત્ની તેને સપોર્ટ કરવા માટે શોમાં પહોંચશે. આ રીતે અન્ય સ્પર્ધકોના પરિવારના સભ્યો પણ તેમને સપોર્ટ કરવા માટે બિગ બોસના ઘરમાં જોવા મળશે.