એનિમલમાં બોબી દેઓલ બનશે રણબીર કપૂરનો સાવકો ભાઇ?

• રણબીર – બોબી હશે ભાઇ?
  
• ટ્રેલરને મળ્યો જોરદાર પ્રતિસાદ
• સંદીપ રેડ્ડી વાંગાએ કરી ડિરેક્ટ

બોલિવૂડ એક્ટર રણબીર કપૂર અને રશ્મિકા મંદન્નાની ફિલ્મ એનિમલની રિલીઝની ચાહકો આતુરતાથી રાહ જોઈ રહ્યા છે. થોડા દિવસો પહેલા આ ફિલ્મનું ટ્રેલર રિલીઝ થયું હતું જેને ચાહકો તરફથી સારો પ્રતિસાદ મળ્યો હતો. ટ્રેલરમાં સ્પષ્ટ હતું કે ફિલ્મમાં રણબીર કપૂર પુત્રની ભૂમિકા ભજવી રહ્યો છે. જો કે, બોબી દેઓલની એક નાનકડી ઝલક બતાવવામાં આવી હતી જે પછી ચાહકો તેના રોલ વિશે વિવિધ અટકળો લગાવી રહ્યા છે.

એનિમલમાં પિતા-પુત્ર વચ્ચેનો સબંધ

ફિલ્મ એનિમલના ટ્રેલરમાં રણબીર કપૂર અને અનિલ કપૂર વચ્ચેના પિતા-પુત્રના સંબંધોને દર્શાવવામાં આવ્યા છે. પરંતુ ફિલ્મમાં બોબી દેઓલના રોલને લઈને અનેક અટકળો લગાવવામાં આવી રહી હતી. હાલમાં જ એનિમલ ડિરેક્ટર સંદીપ રેડ્ડી વાંગાએ એક ઈન્ટરવ્યુ દરમિયાન આ રહસ્યનો ખુલાસો કર્યો હતો. તેણે જણાવ્યું કે ફિલ્મમાં બોબીનું પાત્ર શું છે.

શું છે બોબી દેઓલનું પાત્ર?

સોશિયલ મીડિયા પર એવી અટકળો ચાલી રહી હતી કે બોબી કદાચ રણબીર કપૂરનો સાવકો ભાઈ બનશે. જોકે, સંદીપે આ અફવાઓ પર પૂર્ણવિરામ મૂક્યું અને કહ્યું કે એવું કંઈ નથી. જોકે, ડિરેક્ટરે એ પણ નથી જણાવ્યું કે આ ફિલ્મમાં બોબીનો રોલ શું હશે. હવે આ તો ફિલ્મ રિલીઝ થયા પછી જ ખબર પડશે.

3 કલાક લાંબી છે ફિલ્મ

રિપોર્ટ્સ અનુસાર ફિલ્મ એનિમલને લઈને ચાહકોમાં અલગ જ ચર્ચા છે. 3 કલાક 21 મિનિટ લાંબી આ ફિલ્મ જોવા માટે ચાહકો ખૂબ જ ઉત્સાહિત છે. એડવાન્સ બુકિંગ દ્વારા ફિલ્મે અત્યાર સુધીમાં 20 કરોડ રૂપિયાનો બિઝનેસ કર્યો છે. આવી સ્થિતિમાં અનુમાન લગાવવામાં આવી રહ્યું છે કે ફિલ્મ શરૂઆતના દિવસે શાનદાર બિઝનેસ કરી શકે છે.

1 ડિસેમ્બરે થશે રિલીઝ

રણબીર કપૂરની ફિલ્મ એનિમલ 1 ડિસેમ્બર 2023ના રોજ સિનેમાઘરોમાં રિલીઝ થવાની છે. આ ફિલ્મમાં રણબીર લાંબા સમય બાદ પોતાના એક્શન મોડમાં જોવા મળશે. વિકી કૌશલની ફિલ્મ સામ બહાદુર બોક્સ ઓફિસ પર ફિલ્મ એનિમલ સાથે ટક્કર આપવા જઈ રહી છે. બંને ફિલ્મોનું એડવાન્સ બુકિંગ પૂરજોશમાં ચાલી રહ્યું છે. આવી સ્થિતિમાં, કઈ ફિલ્મને ચાહકો તરફથી સારો પ્રતિસાદ મળે છે તે જોવું રસપ્રદ રહેશે.