બોબીએઆપી ખતરનાક માહિતી, 'એનિમલમાં મારી અને રણબીર વચ્ચે કિસિંગ સીન છે પણ...'

• રણબીર કપૂર સાથે ક્લાઈમેક્સ સીનની માહિતી
  
  
• ફાઈટિંગ સીન દરમિયાન બોબી-રણબીર વચ્ચે હતો કિસિંગ સીન
• OTT વર્ઝનમાં આખી 4 કલાકની મૂવી આવી શકે છે સામે

'એનિમલ'ના OTT વર્ઝનને લઈને એક મોટું અપડેટ સામે આવ્યું છે. બોબી દેઓલે પોતે કહ્યું છે કે તેણે ફિલ્મમાં રણબીર કપૂર સાથે કિસિંગ સીન પણ કર્યો હતો જે ક્લાઈમેક્સ સીન દરમિયાન શૂટ કરવામાં આવ્યો હતો. ચાહકો તેને OTT પર જોઈ શકશે.

એનિમલનું વર્ચસ્વ

બોક્સ ઓફિસ પર સંદીપ રેડ્ડી વાંગાની 'એનિમલ'નું વર્ચસ્વ હજુ પણ ચાલુ છે. રણબીર કપૂર અને બોબી દેઓલની ફિલ્મ વિશે એવું પણ કહેવામાં આવી રહ્યું છે કે તેનું ઓટીટી વર્ઝન વધુ ખતરનાક બનવાનું છે. ત્યાં વાસ્તવિક 'એનિમલ' જોવા મળશે. આ મામલે શરૂઆતમાં એવા રિપોર્ટ્સ આવ્યા હતા કે OTT પર 'એનિમલ'નો સ્ક્રીનટાઈમ વધુ હશે. તે લગભગ ચાર કલાકની ફિલ્મ બની શકે છે. હવે બોબી દેઓલે આ મામલે એક નવી અપડેટ આપી છે. બોબી દેઓલે ખુલાસો કર્યો છે કે તેણે 'એનિમલ'માં રણબીર કપૂર સાથે એક કિસિંગ સીન કર્યો હતો. જે થિયેટર રીલીઝના ફાઈનલ કટમાં કાઢી નાખવામાં આવ્યું છે. આ ફિલ્મની લંબાઈ ઓછી કરવાના એક ભાગરૂપે હતું. પરંતુ શક્ય છે કે 'એનિમલ'ની અગાઉની ફાઈનલ કટ OTT પર આખી જોઈ શકાય.

બોબી દેઓલ અને રણબીર કપૂરનો કિસિંગ સીન

'ધ ક્વિન્ટ'ને આપેલા ઈન્ટરવ્યૂમાં 'એનિમલ'ના અબરાર ઉર્ફે બોબી દેઓલે જણાવ્યું કે ફિલ્મના ક્લાઈમેક્સમાં તેનો રણબીર કપૂર સાથે ફાઈટ સીન છે. તે જ સમયે, બંને વચ્ચે એક કિસિંગ સીન પણ શૂટ કરવામાં આવ્યો હતો પરંતુ થિયેટર રિલીઝ સમયે કાપી નાખવામાં આવ્યો હતો. પરંતુ હવે OTT પર એક ઓપોર્ચ્યુનિટી છે કે તેમાં આ કિસિંગ સીન સામેલ થઈ શકે તેમ છે.

એનિમલમાં લડાઈનું દ્રશ્ય

બોબી દેઓલે ફાઇટ સીનની સૌથી ખતરનાક સિક્વન્સ વિશે પણ વાત કરી. બોબી દેઓલ જ્યારે રણબીર પર સૂઈને સિગારેટ કાઢીને ફૂંકે છે તે સીને લોકોમાં સનસનાટી મચાવી દીધી હતી. આ સીન લોકોને સૌથી વધુ પસંદ આવ્યો હતો. અભિનેતાએ કહ્યું કે તે ડિરેક્ટર સંદીપ રેડ્ડીનો આઈડિયા હતો. તે બતાવવા માંગતા હતા કે કેવી રીતે બે પિતરાઈ ભાઈઓ વચ્ચે પ્રેમ પણ છે અને નફરત પણ છે. 'એનિમલ'ની OTT રિલીઝ વિશે હજુ સુધી કોઈ માહિતી નથી પરંતુ એ સ્પષ્ટ છે કે જ્યારે પણ ફિલ્મ આવશે, તે Netflix પર જ રિલીઝ થશે. OTT રિલીઝ તારીખ હજુ સુધી જાહેર કરવામાં આવી નથી. હાલમાં તે બોક્સ ઓફિસ પર જોરદાર કમાણી કરી રહી છે. તેનું વર્લ્ડવાઈડ કલેક્શન 750 કરોડથી વધુ છે.