Chhaava Box Office Collection Day 46: "સિકંદર"ની સામે ફિલ્મ "છાવા"નું શાનદાર કલેક્શન

વિકી કૌશલ અને રશ્મિકા મંદાનાની ફિલ્મ "છાવા" ફેબ્રુઆરી મહિનામાં રિલીઝ થઈ હતી. આ ફિલ્મ રિલીઝ થયાને લાંબો સમય વિતી ગયો છે. પરંતુ તે હજુ પણ બોક્સ ઓફિસ પર સારી કમાણી કરી રહી છે. ખાસ વાત એ છે કે આ ફિલ્મ હજુ પણ કરોડોની કમાણી કરી રહી છે. આટલા દિવસોમાં તેની કમાણી ક્યારેય લાખો સુધી ઘટી નથી. આ ફિલ્મે 46મા દિવસે પણ સારું કલેક્શન કર્યું છે.

આ ફિલ્મ 600 કરોડથી થોડી દૂર

ફિલ્મ "છાવા"એ 46મા દિવસે 1.27 કરોડ રૂપિયાવનું કલેક્શન કર્યુ છે. જે અન્ય દિવસો કરતા વધુ છે. છાવાએ રવિવાર કરતાં સોમવારે વધુ કમાણી કરી છે. આ પછી ફિલ્મનું કુલ કલેક્શન 594.72 થઈ ગયું છે. જો ફિલ્મ આટલી કમાણી કરતી રહેશે, તો તેને 600 કરોડના ક્લબમાં જોડાવામાં વધુ સમય લાગશે નહીં. સલમાન ખાનની ફિલ્મ સિકંદર ઈદના અવસર પર રિલીઝ થઈ છે. સિકંદરના પ્રભાવ હેઠળ પણ, ફિલ્મ "છાવા" મજબૂત રીતે ઊભી છે.

"સિકંદર"ની સામે ફિલ્મ "છાવા"નું કલેક્શન

સિકંદર 30 માર્ચે રિલીઝ થઈ હતી. ઈદના અવસર પર સિકંદરે ખૂબ જ નફો કર્યો છે. દરમિયાન ફિલ્મ "છાવા" માટે આટલું બધું ભેગું કરવું એ મોટી વાત છે. ફિલ્મ રિલીઝ થયાના આટલા સમય પછી પણ સારા કલેક્શનની અપેક્ષા નહોતી. સિકંદર પહેલા દિવસે ફિલ્મ "છાવા"નો રેકોર્ડ તોડી શક્યો નહીં. સિકંદરે પહેલા દિવસે 30 કરોડની કમાણી કરી છે. જ્યારે ફિલ્મ "છાવા" 33 કરોડ સાથે આ વર્ષે પહેલા દિવસે સૌથી વધુ કમાણી કરનારી ફિલ્મોની યાદીમાં ટોચ પર છે. ફિલ્મ "છાવા" વિશે વાત કરીએ તો આ છત્રપતિ શિવાજીના પુત્ર સંભાજી મહારાજની વાર્તા છે. કેવી રીતે તેમણે ઔરંગઝેબ સામે બહાદુરીથી લડ્યા. તે આ ફિલ્મમાં દર્શાવવામાં આવ્યુ છે. ફિલ્મનું દિગ્દર્શન લક્ષ્મણ ઉતેકર દ્વારા કરવામાં આવ્યું છે.