Chhaava BoxOffice Collection Day 52: તમામ રેકોર્ડ તોડી વિકી કૌશલે રચ્યો ઇતિહાસ!

વિક્કી કૌશલની બ્લોકબસ્ટર ફિલ્મ "છાવા" સિનેમાઘરોમાં એક પછી એક મોટા રેકોર્ડ બનાવી રહી છે. અને મોટા સ્ટાર્સના પણ રેકોર્ડ તૂટી રહ્યા છે. આ ફિલ્મે થિયેટરોમાં 50 દિવસનો શાનદાર સફર પૂર્ણ કર્યો છે અને હવે ફરી એકવાર નવા રેકોર્ડ તોડવાનું શરૂ કર્યું છે. સલમાન ખાનની ફિલ્મ સિકંદરની રિલીઝ વચ્ચે ફિલ્મ "છાવા"ના ચાહકો હજુ પણ સિનેમા હોલમાં ઉમટી રહ્યા છે અને આ જ કારણ છે કે ફિલ્મ હજુ પણ સારી કમાણી કરી રહી છે.

ફિલ્મ "છાવા"નું બોક્સ ઓફિસ કલેક્શન

ફિલ્મ "છાવા"એ હિન્દી અને તેલુગુમાં 7 અઠવાડિયામાં 609.87 કરોડ રૂપિયાની કમાણી કરી છે. તેલુગુ વર્ઝનની કમાણી ફક્ત 3 અઠવાડિયાની છે કારણ કે ફિલ્મ "છાવા" હિન્દી વર્ઝનના રિલીઝના ચાર અઠવાડિયા પછી તેલુગુમાં રિલીઝ થઈ હતી. 50માં અને 51માં દિવસે ફિલ્મે અનુક્રમે 55 લાખ અને 90 લાખ રૂપિયાની કમાણી કરી છે એટલે કે ફિલ્મે ગઈકાલ સુધીમાં 611.32 કરોડ રૂપિયાની કમાણી કરી હતી. હવે જો સોમવારની કમાણી પર નજર કરીએ તો ફિલ્મે 1.30 લાખની કમાણી કરી છે અને ફિલ્મની કુલ કમાણી 612.62 કરોડ રૂપિયા સુધી પહોંચી ગઈ છે. આ આંકડા અંતિમ નથી. આમાં ફેરફાર થઈ શકે છે.

ફિલ્મ "છાવા"એ ​​10 મોટા રેકોર્ડ તોડ્યા

ફિલ્મ "છાવા"એ રિલીઝના 52માં દિવસે ટોચની 10 સૌથી વધુ કમાણી કરનારી ફિલ્મોને પાછળ છોડી દીધી છે. આમાંની કેટલીક ફિલ્મોની 8માં અઠવાડિયાની કુલ કમાણી ફિલ્મ "છાવા"ની સોમવારની કમાણી કરતાં ઓછી છે.