- લોરેન્સ બિશ્નોઇએ ગ્રેવાલને આપી ધમકી
- ફિલ્મ પ્રમોશન માટે સલમાન સાથે મૂલાકાત
- બિગ બોસમાં આવ્યો હતો ગ્રેવાલ
પંજાબી ફિલ્મ ઈન્ડસ્ટ્રીના સુપરસ્ટાર અને ફેમસ સિંગર ગિપ્પી ગ્રેવાલ આ દિવસોમાં હેડલાઈન્સમાં છે. અહેવાલ છે કે તાજેતરમાં તેમના કેનેડા સ્થિત ઘર પર ગેંગસ્ટર લોરેન્સ બિશ્નોઈ દ્વારા હુમલો કરાવવામાં આવ્યો હતો. આ વાતનો ખુલાસો ખુદ ગેંગસ્ટરે કર્યો છે. લોરેન્સ બિશ્નોઈએ ગિપ્પી ગ્રેવાલને ખુલ્લેઆમ ધમકી આપી છે અને કહ્યું છે કે સલમાન ખાન સાથે તેની વધતી મિત્રતાના કારણે તેના ઘર પર હુમલો કરવામાં આવ્યો છે. હવે પંજાબી સ્ટાર ગિપ્પી ગ્રેવાલે આ સમગ્ર મામલે પોતાનું મૌન તોડ્યું છે.
ગિપ્પી ગ્રેવાલના ઘર પર હુમલો
હિન્દુસ્તાન ટાઈમ્સના સમાચાર અનુસાર એક પોર્ટલ સાથેની વાતચીત દરમિયાન ગિપ્પી ગ્રેવાલે ગેંગસ્ટર લોરેન્સ બિશ્નોઈને પોતાનો જવાબ આપ્યો છે. અભિનેતા અને ગાયક ગિપ્પી ગ્રેવાલે કહ્યું- મારી સલમાન ખાન સાથે કોઈ મિત્રતા નથી. મારી ફિલ્મ 'મૌજાં હી મૌજાં'ના ટ્રેલર લોંચમાં તેઓ મુખ્ય અતિથિ તરીકે આવ્યા હતા કારણ કે મેં તેમને આમંત્રણ આપ્યું હતું.
સલમાન સાથે મારી મિત્રતા નથી
ગિપ્પી ગ્રેવાલે આગળ કહ્યું- આ સિવાય સલમાન ખાન અને હું હમણાં જ બિગ બોસના સેટ પર મળ્યો હતો. મારી સાથે જે પણ થયું છે તે હું માની શકતો નથી. હું તમને હજુ પણ સ્પષ્ટપણે કહી દઉં કે સલમાન ખાન મારો મિત્ર નથી. હું માત્ર તેમને ઓળખું છું. ગિપ્પી ગ્રેવાલે કહ્યું- મેં હમણાં જ સલમાન ખાન સાથે વાતચીત કરી હતી. અમે મિત્રો નથી. મને આશ્ચર્ય થાય છે કે તેનો ગુસ્સો મારા પર કેમ કાઢવામાં આવે છે.
સલમાનને લઇ બિશ્નોઇએ કહી આ વાત
તમને જણાવી દઈએ કે હુમલા બાદ લોરેન્સ બિશ્નોઈએ ગિપ્પી ગ્રેવાલને એક મેસેજમાં લખ્યું હતું - સલમાન ખાન કો બહુત ભાઈ ભાઈ કરતા હૈ, બોલ અબ તુજે બચાયે તેરા ભાઈ. આટલું જ નહીં, ગેંગસ્ટર લોરેન્સ બિશ્નોઈએ સલમાન ખાન માટે લખ્યું હતું - તમે એવા ભ્રમમાં છો કે દાઉદ તમને મદદ કરશે. તમને અમારાથી કોઈ બચાવી શકશે નહીં. જો શક્ય હોય તો, તમારી જાતને બચાવો.
