- હિના ખાનની રિકવરી માટે ફેન્સ કરી રહ્યા છે દુઆ
- હિના ખાન અવારનવાર શેર કરતી રહે છે ખાસ પોસ્ટ
- મુશ્કેલ સમયમાં હિના ખાન પિતાને કરી રહી છે મિસ
યે રિશ્તા ક્યા કહલાતા હૈથી ઘર ઘરમાં જાણીતી બનેલી હિના ખાન બ્રેસ્ટ કેન્સરના ત્રીજા સ્ટેજ સામે ઝઝૂમી રહી છે. હિના ખાને થોડા દિવસ પહેલા સોશિયલ મીડિયા પોસ્ટ પર આ બીમારીનો ખુલાસો કર્યો અને પછી સતત હેલ્થ અપડેટ અને મોટિવેશનલ પોસ્ટ પણ શેર કરતી રહે છે. હાલમાં તેણે ફરી એક પોસ્ટ શેર કરી છે અને સાથે જ ફેન્સ અને પરિવાર તેના માટે દુઆ કરી રહ્યો છે. તો જાણો હિના ખાને નવી પોસ્ટમાં શું કહ્યું.
હોસ્પિટલમાંથી શેર કર્યો ફોટો
હિના ખાને ઈન્સ્ટાગ્રામ એકાઉન્ટની સ્ટોરી સેક્શનમાં એક નવો ફોટો શેર કર્યો છે જેમાં તે હોસ્પિટલના બેડ પર જોવા મળી રહી છે. હિના ખાને ફોટો પર કેપ્શનમાં લખ્યું- બસ એક વધુ દિવસ, દુઆ કરો. હિનાની આ પોસ્ટ સોશિયલ મીડિયામાં વાયરલ થઈ રહી છે અને એક્ટ્રેસના ફેન્સ તેના માટે દુઆ કરી રહ્યા છે.
હિના ખાનને આવી પિતાની યાદ
હોસ્પિટલના બેડનો ફોટો શેર કરતા પહેલા હિના ખાને પિતાનો ફોટો ફ્રેમની સાથે ઈન્સ્ટાગ્રામ પર શેર કર્યો હતો. તેમાં એક્ટ્રેસનો હાથ જોવા મળી રહ્યો છે જેની પર સફેદ રંગની પટ્ટી જોવા મળી હતી. જે ડ્રિપ હટાવ્યા બાદ લગાવવામાં આવે છે. હિના ખાનની આ પોસ્ટને જોઈને લાગી રહ્યું છે કે એક્ટ્રેસને તેમની યાદ આવી રહી છે. મુશ્કેલ સમયમાં તે પિતાને યાદ કરી રહી છે. ઉલ્લેખનીય છે કે તેમના પિતાનું નિધન 3 વર્ષ પહેલા થયું હતું.
હિના ખાનને કેન્સરને વિશે કેવી રીતે થઈ જાણ
હિના ખાને થોડા દિવસો પહેલા ઈન્સ્ટાગ્રામ સ્ટોરી સેક્શનમાં એક વીડિયો શેર કર્યો હતો. તેમાં તેણે બ્રેસ્ટ કેન્સરને વિશે વાત કરી. તેણે કહ્યું કે તે ઘણા સમયથી બીમાર રહેતી હતી, જલ્દી તાવ આવતો હતો. જ્યારે તે ડોક્ટરની પાસે ગઈ તો કેન્સરનો ટેસ્ટ કરાવવાની સલાહ આપવામાં આવી હતી. આ સાંભળીને તેના પગ નીચેથી જમીન જાણે કે ખસી ગઈ હતી.
