સલમાન ખાનની ફિલ્મ ટાઇગર 3 બોક્સ ઓફિસ પર હીટ રહી કે ફ્લોપ!

• 300 કરોડનો આંકડો કરી શકશે પાર?
  
• 12વી ફેલ અને ફર્રે સાથે મૂકાબલો
• એનિમલ રિલીઝ થતા વધશે મુશ્કેલી

આ દિવસોમાં સલમાન ખાન અને કેટરિના કૈફની ફિલ્મ ટાઈગર 3 બોક્સ ઓફિસ પર સારી કમાણી કરી રહી છે. ફિલ્મે દિવાળી (12 નવેમ્બર) ના અવસર પર થિયેટરોના દરવાજા ખટખટાવ્યા હતા અને સમીક્ષકોની મિશ્ર પ્રતિક્રિયાઓ હોવા છતાં, ફિલ્મ પર પ્રેક્ષકોએ ભરપૂર પ્રેમ વરસાવ્યો છે. એટલે જ આ ફિલ્મે વિશ્વભરમાં 450 કરોડનો આંકડો પાર કર્યો છે, પરંતુ છેલ્લા કેટલાક દિવસોથી ફિલ્મની દૈનિક કમાણી ઘટી રહી છે. ટાઈગર 3ના 16માં દિવસના કમાણીના આંકડા જાહેર કરવામાં આવ્યા છે જે અત્યાર સુધીનું સૌથી ઓછું કલેક્શન છે.

સોમવારે કલેક્શનમાં ઘટાડો

અહેવાલો અનુસાર ફિલ્મે સોમવારે રૂ. 2.60 કરોડનો બિઝનેસ કર્યો હતો, જેની સાથે ફિલ્મનું બોક્સ ઓફિસ કલેક્શન રૂ. 273.8 કરોડ થયું હતું. ફિલ્મ હજુ 300 કરોડનો આંકડો પાર કરવાથી ઘણી દૂર છે. એવી અટકળો લગાવવામાં આવી રહી છે કે એનિમલ અને સેમ બહાદુરની રિલીઝ બાદ ફિલ્મ માટે કમાણી કરવી મુશ્કેલ બની જશે. ટિકિટ વિન્ડો પર ટાઈગર 3 વિક્રાંત મેસીની 12વી ફેલ અને સલમાનની ભાણીની ડેબ્યુ ફિલ્મ ફર્રે સાથે સ્પર્ધા કરી રહી છે.

આગલા સપ્તાહે એનિમલ થશે રિલીઝ

જ્યાં એક તરફ 12વી ફેલની કમાણી તેની રિલીઝના પાંચમા સપ્તાહમાં પણ ચાલુ છે, તો બીજી તરફ ફર્રે બોક્સ ઓફિસ પર પડી ભાંગી છે. આ ફિલ્મ શરૂઆતથી જ લાખોની કમાણી કરી રહી છે.આગામી શુક્રવારે (1 ડિસેમ્બર) રણબીર કપૂરની એનિમલ અને વિકી કૌશલની સામ બહાદુર સિનેમાઘરોમાં રિલીઝ થવા જઈ રહી છે.