કૃતિ સેનન કથિત બોયફ્રેન્ડ સાથે થઈ રોમેન્ટિક, તસવીરો થઈ વાયરલ

બોલીવુડ એક્ટ્રેસ કૃતિ સેનન ફરી એકવાર તેના સંબંધોની ચર્ચાઓને કારણે સમાચારમાં છે. આ એક્ટ્રેસ ઘણી વખત તેના કથિત બોયફ્રેન્ડ કબીર બહિયા સાથે જોવા મળી છે. પરંતુ આ જોડીએ તેમના કથિત પ્રેમ સંબંધની પુષ્ટિ કરી નથી. પરંતુ નવા વર્ષની રજાઓની કેટલીક તસવીરો સોશિયલ મીડિયા પર વાયરલ થઈ રહી છે.

રોમેન્ટિક તસવીરો થઈ વાયરલ

તાજેતરમાં સોશિયલ મીડિયા પર કેટલીક સુંદર અને રોમેન્ટિક તસવીરો વાયરલ થઈ છે. જેમાં કૃતિ અને કબીર સાથે જોવા મળે છે. એક ફોટામાં, કૃતિ કબીરની બાજુમાં તેના ખભા પર માથું રાખીને ઉભી છે, જે તેમની વચ્ચેની કેમેસ્ટ્રી દર્શાવે છે. આ તસવીર થોડી બ્લર છે, પણ બંને વચ્ચેનો પ્રેમ સ્પષ્ટ દેખાય છે.

કોન્સર્ટમાં જોવા મળ્યું કપલ

બીજા એક ફોટામાં, બંને ઉસ્તાદ રાહત ફતેહ અલી ખાન અને મેહવિશ હયાતના કોન્સર્ટનો આનંદ માણતા જોવા મળે છે, અને કબીર કૃતિના ફોન પર ધ્યાન આપી રહ્યા છે. ફોટા જોઈને લાગે છે કે બંનેએ પોતાનું નવું વર્ષ ખૂબ જ સારી રીતે ઉજવ્યું છે. સૌથી વધુ ચર્ચાસ્પદ તસવીર એ છે જેમાં તે બંને એક પૂલમાં આરામથી બેઠા છે અને એકબીજાને ખુશીથી જોઈ રહ્યા છે. આ તસવીરો વાયરલ થયા બાદ કપલના સંબંધોની ચર્ચાઓ વધુ વધી ગઈ છે.

આ કપલે નવું વર્ષ એકસાથે કર્યું સેલિબ્રેટ

આ વાયરલ તસવીરોના કોમેન્ટ સેક્શનમાં ફેન્સએ હાર્ટ ઈમોજી અને કોમેન્ટનો વરસાદ થઈ ગયો છે, અને બંનેને "પરફેક્ટ" ગણાવ્યા છે. કૃતિ અને કબીરે હજુ સુધી ક્યારેય તેમના સંબંધોની જાહેરાત કરી નથી, પરંતુ તેમનો ગાઢ સંબંધ છે. ગયા મહિને, બંને ભારતીય ક્રિકેટર એમએસ ધોની, તેની પત્ની સાક્ષી ધોની, કૃતિની બહેન નુપૂર સેનન અને તેના બોયફ્રેન્ડ સાથે ક્રિસમસની ઉજવણી કરતા જોવા મળ્યા હતા.

નવા વર્ષની રજાઓ દરમિયાન દુબઈમાં આ કપલ સાથે વિતાવેલી ક્ષણો પણ સોશિયલ મીડિયા પર વાયરલ થઈ હતી. દરેક વાયરલ થયેલા ફોટા અને વીડિયો સાથે, ઈન્ટરનેટ કૃતિ અને કબીરને બોલીવુડના અપકમિંગ મોટા કપલ તરીકે રજૂ કરી રહ્યું છે. ફેન્સ આ જોડીની સત્તાવાર જાહેરાતની રાહ જોઈ રહ્યા છે.